خالد محمود: الصلاة بالنسبالي مهمة وسعيد بلقب المحترم.. وهذا سبب رفضي لمشاهد القبلات

حل الفنان خالد محمود ضيف على برنامج “كلام الناس”، الذي تقدمه الإعلامية ياسمين عز على شاشة mbc مصر، والذي كشف خلاله عدد من التصريحات، من بينهم رفضه لـ مشاهد القبلات.

تحيا مصر يرصد في ذلك التقرير تصريحات خالد محمود في كلام الناس

خالد محمود: مؤمن بالسينما النظيفة ورفضت إني أعمل مشهد قبلات

أعرب خالد محمود عن سعادته بـ لقب المحترم، فقال: الوسط الفني والجماهير بيقولولي المحترم وده لقب أنا سعيد بيه جدا.

وتابع حديثه عن مصطلح السينما النظيفة، فقال: مبتدخلش في حياة حد كل واحد مسؤول عن اختيارته وكل واحد عقله في راسه يعرف خلاصه، السينما النظيفة أنا مؤمن بيها والمخرج كان عايزني أبوس البطلة ورفضت تماما وقولته المشهد مش هيزود حاجة بلاش تخيليني اشيل الذنب.

خالد محمود يروي تفاصيل في حياته الشخصية: كان نفسي أأذن في الجامع وكنت مقرر أطلع طيار

وتطرق خالد محمود بحديثه عن تجربه كمؤذن في المسجد، فقال: الصلاة بالنسبالي كانت مهمة جدا ودا اللي اتربيت عليه وبعدين بقيت أصلي في الجامع وبعدها استأذنت اني أذن في الجامع وفرح بيا أوي ورحب وسمحلي بده

وعن حبه لمجال الطيران، فقال: كنت مقرر اني هطلع طيار وأنا في ابتدائي كنت حريص على المشاركة في المسرح المدرسي، لحد ما كبرت مامتي قالتلي انت شكلك ممثل، كانوا بيقعدوا بجدية تامة، وستي قالتلي انت تنفع ممثل، وصحابي نفس الكلام وأما خلصت دخلت دار علوم ودخلت معهد فنون مسرحية وابتديت أمثل وبعدها قدمت طيران ونجحت ومع التمثيل مكنتش عارف أوظب فروحت للتمثيل.

خالد محمود: الفن طريق مرهق وصعب وهقنع بناتي ميمثلوش

وعن سبب رفضه لدخول بناته مجال التمثيل، قال خالد محمود: مش بقولها بغرض انه يزعل ناس ولا يزعلها الطريق مرهق وصعب بالنسبة للبنت في بنات بتقدر تتحمل وبنات بتقعد في البيت، بنتي في علاج طبيعي ومليكة بتمثل من ساعات ما بتصحى لحد ما تنام بس ان شاءالله هقنعها وتبقى خير باذن الله.

يذكر، أن أخر أعمال الفنان خالد محمود مشاركته في مسلسل “نقل عام” من أخراج عادل أديب وتأليف وليد خيري، ويشارك في بطولته أيضاً سميحة أيوب، سوسن بدر، دينا، ميرهان حسين، أحمد بدير، محمد محمود عبد العزيز، محسن محيي الدين ونهال سلامة.