خالد محمود لـ ياسمين عز: ربنا جعلك نصيرة الرجالة والإحترام قوام أي بيت

أعرب الفنان خالد محمود عن تأييده الكامل لأراء الإعلامية ياسمين عز وسعادته بـ نصائحها المختلفة التي تقدمها للسيدات للتعامل مع زوجها.

تحيا مصر يرصد في ذلك التقرير تصريحات خالد محمود عن ياسمين عز والزواج

وأضاف خالد محمود خلال حلوله ضيف على برنامج كلام الناس المذاع على قناة mbc مصر، موجها كلامه لـ ياسمين عز، فقال: ربنا جعلك نصيرة الرجالة فـ ان شاءالله الرجالة بخير، ولو اتقدمتي لمجلس الشعب كل الرجالة هتقف وراكي إنتي مش متخيلة انت عاملة في الرجالة ايه.

خالد محمود: الراجل والست بقوا بعاد عن الدين والمفروض يتعملهم كتاب في العلاقات يمتحنوا فيه قبل الجواز

وعن سبب العلاقات المضطربة بين الزوج والزوجة، فقالت خالد محمود: الراجل والست بقوا بعاد عن الدين عشان كدة وصلنا للي وصلناله ده المفروض الازهر يطلع كتاب لكيفية التعامل مع الزوج والتعامل مع الزوج ويمتحنوا فيه قبل الجواز، لازم يكون في أداب للاحترام، ودي أساس قوام اي بيت.

سبب غياب خالد محمود عن الساحة الفنية 

وكشف خالد محمود عن سر غيابه عن الساحة الفنية، فقال: زمان كان عدد المسلسلات كانت من 50 لـ 70 مسلسل، ومصر معروفة انها هي اللي بتصدر الدراما للعالم، وبعد الثورة قعدنا 3 سنين وأما الدنيا بدأت تتحرك دخلنا في كورونا والمنتجين قعدوا في البيت.

وتابع: احياء دراما تاني بكل معطيتها وعملية تشغيل المنتجين مهمة جدا، إحنا بقينا بننتج من 13 لـ 15 مسلسل، ومش دي مصر ولا الدراما اللي بتصدرها مصر، ممكن يتعرض عليا عمل واحد في السنة، أنا كان بيتعرض عليا أكثر من 13 مسلسل مكنتش بنام دلوقتي بنام اكتر ما بشتغل، الدولة لما تعي قيمة الانتاج في مصر هتبقى أغنى دولة في العالم.

أخر أعمال خالد محمود 

يذكر، أن أخر أعمال الفنان خالد محمود مشاركته في مسلسل “نقل عام” من أخراج عادل أديب وتأليف وليد خيري، ويشارك في بطولته أيضاً سميحة أيوب، سوسن بدر، دينا، ميرهان حسين، أحمد بدير، محمد محمود عبد العزيز، محسن محيي الدين ونهال سلامة.