خالد الصاوي: إبراهيم عيسى مش بيسئ للدين وشريف عرفة استثنائي

تحدث الفنان خالد الصاوي عن الإعلامي إبراهيم عيسى وتقديم شخصيته في فيلم الضيف، كما تحدث عن المخرج شريف عرفة.

تحيا مصر يرصد لكم تصريحات خالد الصاوي

وقال خالد الصاوي خلال استضافته في برنامج خبر سري التي تقدمه الإعلامية اسما إبراهيم ويعرض عبر قناة القاهرة والناس: لما اتعرض عليا اني اقدم شخصية ابراهيم عيسى وافقت طبعًا ومكنش ينفع ارفضها وشايف أن إبراهيم عيسى مش بيسئ للدين وبيعمل عملية تنوير للناس والمشكلة مش في آراءه المشكلة في التيار الليبرالي.
 

وتحدث خالد الصاوي عن مشاركته لعدد من المخرجين وقال: في مخرجين بيطلعوا عنينا بس بنشكرهم بعدها زي خالد يوسف وعمرو سلامة متعبين جدًا في شغلهم بس بعد العمل بشكرهم عشان الشغل بيطلع كويس جدًا.

خالد الصاوي: شريف عرفة استثنائي وتركيبة لوحده

وتحدث عن المخرج شريف عرفه ووصفه بالاستثنائي حيث قال: شريف عرفة استثنائي وتركيبه لوحده وعملت معاه حاجات متعبه بس هو عنده سينس يعرف امتى هتضايق وتتعب ودي مش موجودة غير في شريف عرفة.

خالد الصاوي: كنت أناني مع مراتي وبعتذرلها

وتحدث الصاوي عن علاقته بزوجته وقال: مراتي نسخة مني بس على أصغر مني بسنين كتير وبتخانق وبضرب اي حد يعاكسها.

وأضاف: كنت اناني كتير مع مراتي من غير ما اقصد وشغلي كان بياخدني وانا بعتذرلها ويارب تسامحني.

كما طالب خالد الصاوي بترشيد الرقابة على الأعمال وقال: بطالب بترشيد الرقابة لأن في حاجات مينفعش تتعرض علينا في الوقت الحالي.

وكشف الصاوي: السجاير أكتر حاجه تافهه بضيع عليها فلوسي وأنا غبي اني بعمل كده.

خالد الصاوي يكشف كواليس استعداده لتقديم شخصية خيرت الشاطر 

وكشف الصاوي عن كواليس استعداداته لتقديم شخصية خيرت الشاطر في مسلسل الاختيار وقال: فكرت في كل الأدوار التاريخية اللي عملتها في حياتي زي جمال عبد الناصر والخديوي توفيق وأحمد فؤاد نجم واتفرجت على كل البرامج اللي عمل فيها لقاءات وقريت عن شخصيته كتير وحفظت أدائه كويس.

وكشف خالد الصاوي:  أحيانًا بختار أعمال غلط وبدبس فيها وبتخيل الفيلم حلو ويطلع المخرج تعبان والعمل وحش.