خالد الصاوي: حفظت شخصية خيرت الشاطر كويس وعملت أدوار أقل من امكانياتي عشان فلوسه كتير

كشف الفنان خالد الصاوي كواليس تحضيره لشخصية خيرت الشاطر في مسلسل الاختيار ٣، كما كشف عن أسرار في حياته الشخصية.

تحيا مصر يرصد لكم تصريحات خالد الصاوي

وقال خالد الصاوي خلال استضافته في برنامج خبر سري التي تقدمه الإعلامية اسما إبراهيم ويعرض عبر قناة القاهرة والناس: عايز استرد قوتي ومكانتي في الوسط الفني خلال السنتين اللي جايين.

وتابع: في ناس قالتلي أن مستوايا في النازل وكان عندهم حق واللي قالي كده بحسن نية شكرته أما في ناس كانت شمتانه فيا وبعد ما رجعت لمستويا اتصلت بيهم.

وأضاف: عملت ادوار أقل من امكانياتي عشان فلوسه كانت كتير.

خالد الصاوي يكشف كواليس استعداده لتقديم شخصية خيرت الشاطر 

وكشف الصاوي عن كواليس استعداداته لتقديم شخصية خيرت الشاطر في مسلسل الاختيار وقال: فكرت في كل الأدوار التاريخية اللي عملتها في حياتي زي جمال عبد الناصر والخديوي توفيق وأحمد فؤاد نجم.

واستكمل: واتفرجت على كل البرامج اللي عمل فيها لقاءات وقريت عن شخصيته كتير وحفظت أدائه كويس.

خالد الصاوي: بختار أعمال غلط والمخرج بيكون تعبان

وكشف خالد الصاوي أنه أحيانًا يقوم باختيار ادوار لا تناسبه وقال: أحيانًا بختار أعمال غلط وبدبس فيها وبتخيل الفيلم حلو ويطلع المخرج تعبان والعمل وحش.
وكشف خالد الصاوي: عملت افلام زي صندوق الدنيا واللايجار وهي مش أفلام تجارية ومش بتحقق أرباح كتير عشان الناس بتخاف تغامر وتتفرج عليها في السينما.

وأضاف: الدور حلو والفيلم حلو وممكن الناس تحبه بس مش للسينما والناس بتروح السينما للأفلام المفرقعه إنما الحاجات اللي فيها شك بيتفرجوا عليها ف التليفزيون ومش بيتفرجوا في السينما.

خالد الصاوي: الإخوان طلعوا عليا أشاع اني موت

وكشف الصاوي: الأخوان طلعوا عليا اشاعة أني موت بعد مسلسل الاختيار 3 وهما كانوا عايزين يقطعوا فيا بكل الطرق اللي في العالم، وقالوا اني عندي ابن ومات.

وتحدث الصاوي عن خلافه مع المنتج ممدوح شاهين وقال:هاخد فلوسي من عين ممدوح شاهين ورافع قضايا تعوض وهاخد فلوسي بالتعويض  لأنه خد فلوسي وانتج بيه ومدنيش حقي، واكتشفت أن في صحوبيه ومجاملات وفيها استهباليه في الوسط الفني، و لما حد يبقى طالع مش عندها رصيد فني ومش معروف هينجح ولا وتركبه على كتفي في دور هعتذر طبعا.