هعمل أغاني لبنات بس والوسط الفني طلعله شوية أطفال علمهوهم الأدب.. أبرز تصريحات عمرو مصطفى

فجر الفنان عمرو مصطفى عدد من التصريحات النارية خلال حلوله ضيفًا على برنامج مشاهير الحرة، ويستعرضها تحيا مصر خلال السطور التالية:

أبرز تصريحات عمرو مصطفى 

بدي الأغنية للمطرب بينزلها 50%.

محمد منير دا البابا بتاعنا، دا حالة لوحده.

أشعر بالندم ولن أعطي ألحاني لأي فنان.

بحب أغاني أحمد سعد شاطر برافو عليه، ولازم يفكر عمل إيه في حياته عشان يتغير.. علاقته بربنا إيه والدته أسرته كدا.

لما جت لهم الفرصة يحاولوا ينافسوا عمرو مصطفى فقلت عمرو اللي هيطلع وهعلمكم الأدب.

ـالوسط الفني طلع لهم شوية أطفال علموهم الأدب، اللي مشي وراهم خسر، واللي احترم نفسه وقعد وذاكر هو اللي كسب.

فنيا أنا أسهل واحد ممكن تتعامل معاه، وأصعب واحد تتعاملي معاه لو حاولت تبقى ذكي

تريند في رمضان كان رسالة من ربنا أنت يا عمرو اطلع.

هعمل حفلة واحدة في السنة.

الناس مبقيتش قادرة تسمع 3 دقايق في الأغاني ويصعب عليا حد يسمع أغنية وفي النص يقفلها.

ظلمت نفسي إني مغنتش من زمان ومفيش أغنية نزلتها منجحتش.

كنت بتعاطف جدًا مع زمايلي وقررت مش هتعاطف تاني.

ـكل الألحان اللي قدمتها ندمان عليها كنت عايز أغنيها لنفسي وبشرة خير كنت عايز أغنيها.

مش هدي أغاني لحد تاني لو دفعولي مال الدنيا.

هعمل أغاني لبنات ولـ عمرو مصطفى بس.

محتاج أسيب تاريخ لولادي وأحفادي تاريخ موسيقي راقي.

وجاءت ردود الفعل على الأغنية راضية بشكل كبير، حيث قال تعليق: حلوة جدًا بجد، وتعليق آخر: معبرة أوي يا عمرو وغيرها من التعليقات.

كلمات أغنية يا دايرة

وتقول كلمات الأغنية:

يا دايرة كل يوم تصغر
يا دنيا قاسية بتغير
أنا اللي فهمت متأخر
أنا غلطان

غريبة الدنيا وعجيبة
أنا بتجازى عالطيبة
كان خلاص بقيت عيبة
تكون إنسان

يبان وجعي وأنا بحكي في مواويلي
ودمعة حزينة بتونسني طول ليلي
وبسأل روحي ليه مكمل وإيه باقيلي

وقلبي يروح لناس مشيت وجرحوني
خسرت الدنيا علشانهم وخسروني
فاكرهم بس مش عارف ليه نسيوني

خسرت الدنيا علشانهم وخسروني
فاكرهم بس مش عارف ليه نسيوني

أخر أعمال عمرو مصطفى سيبوه 
وكان قد تألق عمرو مصطفى في وقت سابق بـ أغنية “سيبوه”، التي أتت كلماتها: بقالي، ليالي خلاص مبقاش يجي فـ بالي ناديته، رماني ولما نسيته جالي راجعلي يقول يا ريته ما راح بعيد قولوله يا ريت يا ريت كانت تفيد سيبوه يفكر في زمان سيبوه يقول أنا ندمان سيبوه كمان مرة يقول سيبوه يقول مرة كمان سيبوه يفكر في زمان سيبوه يقول أنا ندمان سيبوه كمان مرة يقول سيبوه يقول مرة كمان نصيبه، أسيبه يموت مـن جرحه قدامي ما ياما، أذاني وما سمعش لكلامي عايزني إرجع كأنه فراق مجاش سيبوه يحلم ما هو الحلم ببلاش سيبوه يفكر في زمان سيبوه يقول أنا ندمان سيبوه كمان مرة يقول سيبوه يقول مرة كمان سيبوه يفكر في زمان سيبوه يقول أنا ندمان سيبوه كمان مرة يقول سيبوه يقول مرة كمان سيبوه