مأساة حسناء.. طلقني بسبب طرحة وشبشب وبيقولي مبحبش الست اللي بتطلب حاجة لنفسها

" جوزي مش بخيل علي حد في الدنيا غيري أنا بس " بتلك الكلمات روت حسناء لتحيا مصر من داخل محكمة الأسرة  عن زوجها الذي أعتادت معه علي العنف في المعاملة والأسلوب إذا طلبت منه تسديد إحتياجاتها كالمفترض أن يحدث بين الأزواج لتعاني منه علي مدار 3 سنوات وينتهي بهم المطاف إلي الطلاق ".

زوجة داخل المحكمة: سلفتي من غيرتها كل ما تعرف أني حامل تروح تطلب من جوزها العلاقة

بيقول بعالجهم.. مأساة زوجة: جوزي بيعمل علاقات مع ستات مريضة نفسيا

جوزي كريم مع الناس كلها إلا أنا 

بدأت حسناء حديثها لتحيا مصر :" أنا وجوزي متجوزين من 3 سنين وعندي منه ولد أتجوزنا بشكل تقليدي ومكناش لحقنا نعرف بعض وأول ما أتقفل علينا باب واحد ظهرت عيوبه وطباعه جوزي كريم مع الدنيا بحالها مع والدته ومع أبنه ومع أخواته لكن بييجي عندي أنا ومبيرضاش يفرحني حتي لو بوردة لدرجة أني شكيت أنه مش بيحبني أو أنه لسة مش عارف ياخد عليا عشان جوازنا جه بسرعة وبقيت عشان أخليه يحبني أجيبله أنا هدايا كتير عشان محسسهوش بفرق بيننا لكن فضلت طريقته زي ما هي ومفيش اي تغيير ".

الخمسينية وشيطان الميراث.. سيدة لـ تحيا مصر: أختى ماتت بنتها خطفت أخوها الكبير|فيديو

2.5 كيلو حشيش وهيروين.. تفاصيل سقوط بلوجر شهيرة في شقة التجمع

بيقولي مبحبش الست اللي بتطلب حاجة لنفسها 

وتابعت الحديث :  تعبت من معاملة جوزي ليا لما الاقي العيد بيعدي علينا او حتي عيد ميلادي ومش بيفكر يجيبلي حاجة لحد ما قررت في يوم اواجهه وقولتله " أنت لية مفيش مرة تفرحني والاقيك جايبلي هدية زي ما كل راجل بيعمل لمراته هو أنت مبتحبنيش ؟" لقيته رد عليا بكل جفى وقالي " المصاريف اللي بديهالك يدوب تكفي البيت والولد وأنتي بتفكري في هدايا ؟" سكت ومعرفتش ارد عليه اقوله أية عشان خوفت يفتكرني ست أنانية وأنا كل اللي كان نفسي فيه أني أحس منه بأهتمام يقوي علاقتنا ".

رمي عليا يمين الطلاق بسبب طرحة وشبشب 

وأختتمت حسناء حديثها :" عيشت مع جوزي السنين دي أنا اللي بصرف علي نفسي من  فلوس أهلي وهو كان شايف ده وراضي بيه لحد ما في مرة كان جوزي مديني مصروف البيت بزيادة وأنا كنت محتاجة طرحة وشبشب وقولت أجيبهم مرة من نفسي من فلوس جوزي وبالفعل جيبتهم وكنت طايرة من الفرح بيهم وتاني يوم لقيت جوزي بيسألني علي باقي الفلوس اللي هو أدهاني خوفت أكدب عليه وصارحته أني صرفتهم في حاجات كنت محتاجاهم لقيته أنفعل عليا جدا وقالي " أنتي أزاي تصرفي فلوس أنا مديهالك للبيت ؟ أنا أتربيت في بيت أهلي أن الست مش بتطلب حاجة لنفسها لكن أنتي كدة شكلك واحدة أنانية وطلباتك كتير " فضلت أبكي بحرقة من الكلام اللي بسمعه من واحد المفروض أنه جوزي وأنا مسؤولة منه فطلبت الطلاق من قهرتي وقد كان وبقينا دلوقتي كل واحد في حاله جيت المحكمة عشان أرفع عليه دعوى نفقة لصغير عشان اللي معرفتش أخده منه وأنا عايشة معاه أخده منه بعد الطلاق وبالقانون ".