مواطن يشكو: "بنك الاسكندرية بيبعتلى رسائل بإيداعات وأنا معنديش حساب"

اشتكى أحد المواطنين على موقع "فيسبوك" من بنك الاسكندرية وتصرفاته، مشيرًا وصوله رسائل من خدمة عملاء بنك الاسكندرية عن إيداع أموال في حسابه لدى بنك الاسكندرية على الرغم من امتلاكه أي حساب لديهم، وينشر تحيا مصر الشكوى مقدمًا.

بنك الاسكندرية يكشف تفاصيل مبادرة إبداع من مصر

بنك الاسكندرية يكشف تفاصيل التقديم على كارت ائتماني

عملاء بنك الاسكندرية

قال مواطن على موقع "فيسبوك"،: "بنك الاسكندرية بيبعتلى رسايل بشكل مستمر من أكتر من 20 يوم عن عمليات إيداع فى حساب لى و باعتلى رقم الحساب واخر رسالة أن أتحط فى رصيدى 11 ألف جنيه ده غير اللى قبل كده".

وأَضاف: "المهم اللى عاوز اقولة أنى مليش اصلا حساب فى بنك الاسكندرية وحتى مليش أى تعاملات معاه".

واستكمل: "كلمونى وبلغونى أنهم عاوزين يدونى فيزا جديدة قولتلهم يا أخوانا مليش حساب عندكم بعتولى رقم الحساب و كود الفيزا فى رسالة على رقمي".

بنك الاسكندرية

وتابع: "لغاية ما روحت البنك فرع سوهاج وكتبت مذكرة بقولهم فيها مليش رصيد عندكم وأكيد فية غلط ولما كشفنا على رقم الحساب اللى مبعوتلى فى الرسايل طلع باسم شخص تانى من الحجيرات بقنا وأن الغلط من فرع للبنك فى قنا".

وأردف: "قولت كدة خلاص بعد المذكرة والتفاصيل دى الموضوع انتهى اكتشفت اليوم وأمس برسايل تانى برضوا على رقمى تفيد عمليات إيداع تانى".