بعد تصريحات نادية الجندي عن مواصفات رجل أحلامها.. تامر عبد المنعم: اختشي وكفاية شد ونفخ

انتقد الفنان تامر عبد المنعم تصريحات الفنانة نادية الجندي الأخيرة بشأن مواصفات رجل أحلامها التي قالتها خلال مداخلتها الهاتفية لبرنامج "الستات".

تحيا مصر يرصد في ذلك التقرير سخرية تامر عبد المنعم من تصريحات نادية الجندي الأخيرة

تامر عبد المنعم: لكل سن حلاوته وفي ولية كسرت 85 سنة بتتكلم عن فارس أحلامها!

كتب تامر عبد المنعم عبر حسابه الرسمي بموقع التواصل الاجتماعي فيسبوك: لكل سن حلاوته ولكل مرحلة متطلباتها وما أجمل إن تعيش كل مرحلة بتفاصيلها.. فيه ولية كسرت ال٨٥ بتتكلم عن مواصفات فارس احلامها! اختشي وعيب وكفاية شد ونفخ

تصريحات نادية الجندي عن فارس أحلامها

وكانت قد قالت نادية الجندي خلال مداخلتها الهاتفية لبرنامج الستات ردا على سؤال الإعلامية سهير جودة  بشأن إمكانية زواجها بعد تحقيقها أمنيتها في العمل بالسينما، فقالت مازحة: معنديش مانع لو لقيت ابن الحلال.

وتابعت كاشفة عن مواصفات رجل أحلامها فقالت: يكون ابن حلال مش طالبة أكتر من كدة، أحس بسند يكون سندي وراجل مقدر قيمتك وحنون وتحسي جنبه بالأمان لأن الاحساس بالأمان ده أهم إحساس في العالم.

نادية الجندي وسر اهتمامها بجمالها

سبق وردت نادية الجندي على منتقديها بشأن اهتمامها بجمالها، فقالت: الفنان لازم يبقى قدوة وأيدل للناس كلها، أنا بعتبر نفسي أما بحافظ على شكلي ومظهري بحترم جمهوري، مينفعش الفنان يطلع شكله وحش ووتخين ومنظره كئيب، لازم أكون متنزنة طول الوقت شكلي يكون صح ولياقتي البدنية صح عشان يساعدني بالأعمال اللي بقوم بيها، وإحنا بقى عندنا ثقافة الرياضة والرشاقة والتجميل وثقفات الناس مكنتش بتهتم بيها زمان، والوعي زاد أوي.

وتابعت كاشفة عن خلطتها السرية: الرياضة شيء مهم جدا للناس كلها، ومش بس الرياضة في حاجات تانية، أنا حارمة نفسي من الأكل طول الوقت، وربنا فوق أي حاجة هو اللي بيدي الشكل الحلو والروح الحلوة، وحب الناس من حب ربنا، والتصالح مع النفس لا بتحقدي على حد ولا بتغيري من حد لأن الحاجات دي بتعمل تجاعيد في الوش، وأما تبقى متصالحة مع نفسك بتكوني سعيدة وبتحبي الناس وده بيطعل على وشك وتصرفاتك، السعادة بتيجي من الرضا بالنفس، ومش أي حد بيقدر يحرم نفسه من الأكل وده عذاب.