بيفرحني أكتر منك.. زوج لـ تحيا مصر: مراتي بتقارني بجوزها الأولاني
ADVERTISEMENT
" طلعت لسة بتحب جوزها الأولاني ومعرفتش تناساه " بتلك الكلمات روي زوج لتحيا مصر من داخل محكمة الأسرة عن زوجته التي أنفصلت عن زوجها بسبب غناها والورث الذي تركه لها والدها مما جعلها مطمع في يده وبالرغم من تمسك الزوج الأخير بها و معاملتها بما يرضي الله, إلا أنها لم تحسن معاملته وعاملته بإساءة شديدة جعلته ينفر منها ويرفع عليها دعوي نشوز .
أتعرفت علي مراتي صدفة وكانت زي الملاك
بدأ الزوج حديثه لتحيا مصر :" أنا فاتح مطعم وأتعرفت علي مراتي من سنتين كانت بتيجي زبونة عندي وأعجبت بيها وهي كمان أعجبت بيا كانت زي الملايكة وكان بيبان عليها أنها طيبة ومحترمة وهادية فقررت في يوم أعترفلها بمشاعري وأطلب أيديها للجواز لكن هي وقتها قالتلي أنها أتجوزت قبل كدة ومخلفتش من جوزها وكانت بتحبه جدا لكن مستحملتش العيشة معاه وبقي عندها عقدة من الجواز لكن أنا من تمسكي بيها كنت بطمنها وبقولها أني هبقي مختلف عن اي حد دخل حياتها قبلي وأني مش عايز حاجة منها غير أنها تديني الأمان وتثق فيا ".
بتقارني بجوزها الأولاني وتقولي كان بيبسطني أكتر منك
وتابع الزوج :" مراتي بعد ما أتجوزتها بـ6 شهور كانت فيهم زوجة مثالية بدأت بعدها تتغير وفي كل موقف يحصل تفتكر جوزها الأولاني وتقارني بيه حتي العلاقة الزوجية بيننا كانت بتحكيلي هو كان بيعمل معاها أية وعايزاني أعمل زيه ولما كنت أوديها وأخرجها اي مكان كانت تقولي أنه كان بيعرف يفسحها ويبسطها أكتر مني كنت اوقات كتير بستحمل كلامها وبلتمسلها العذر أنها لسة ملحقتش تنساه لكن بعد كدة رجولتي مكنتش بتسمحلي أني أسكت علي كلامها وكنت أحيانا أمد أيدي عليها من غيظي وبرضه مكنش فيه فايدة ".
كان طمعان في ورثها وطلعت لسة بتحبه
وأختتم الزوج الحديث :" مراتي جوزها الأولاني كان عايز يستولي علي ميراثها كله اللي سابهولها أبوها ومع ذلك لسة بتحبه وأنا بالرغم من عطائي ليها اللي بدون حدود معرفتش تحبني وطول الوقت بتقلل مني في الفترة الأخيرة قررت أرفع عليها دعوى نشوز بعد ما سابتلي البيت وقررت ده عشان أكسرها زي ما كسرتني لأنها مشافتش مني غير كل خير ومع ذلك ندمتني علي اليوم اللي أتجوزتها فيه ".
جوجل نيوز
تطبيق نبض
