نادية الجندي لمنتقديها: حفاظي على شكلي ومظهري احترام لجمهوري ومينفش الفنان يكون تخين ومنظهر كئيب

ردت الفنانة نادية الجندي خلال مداخلتها الهاتفية لبرنامج الستات، المذاع على قناة النهار منتقدي صورها وإطلالتها الشبابية، التي تحرص على مشاركتها مع جمهورها بشكل مستمر.

تحيا مصر يرصد في ذلك التقرير تصريحات نادية الجندي لمنتقديها وسر رشقاتها

قالت نادية الجندي: أنا اما اطلع تريند 12 مرة في السنة وأنا مش عاملة عمل في السينما أو التليفزيون، ده معنا إن جمهوري مستنيني، وبيحيبني وأنا وحشاه زي ما بيقولولي، ودا بيدني دافعة اني أحافظ على حب الناس باللياقة والشكل وكل ده.

نادية الجندي: الفنان لازم يبقى قدوة مينفعش يبقى تخين ومنظره كئيب

وتابعت: الفنان لازم يبقى قدوة وأيدل للناس كلها، أنا بعتبر نفسي أما بحافظ على شكلي ومظهري بحترم جمهوري، مينفعش الفنان يطلع شكله وحش ووتخين ومنظره كئيب، لازم أكون متنزنة طول الوقت شكلي يكون صح ولياقتي البدنية صح عشان يساعدني بالأعمال اللي بقوم بيها.

وردت نادية الجندي على سؤال الإعلامية سهير جودة في برنامج الستات المذاع على قناة النهار بشأن إمكانية زواجها بعد تحقيقها أمنيتها في العمل بالسينما، فقالت مازحة: معنديش مانع لو لقيت ابن الحلال، موضحة مواصفات فتى أحلامها: : يكون ابن حلال مش طالبة أكتر من كدة، أحس بسند يكون سندي وراجل مقدر قيمتك وحنون وتحسي جنبه بالأمان لأن الاحساس بالأمان ده أهم إحساس في العالم.

نادية الجندي تتعرض للهجوم بسب صورها في 2022

وكانت قد تعرضت نادية الجندي لهجوم كبير من رواد السوشيال ميديا في نهاية عام 2022، وذلك بسبب توديعها العام من خلال إطلالة شبابية جديدة معربة عن فخرها بتصدرها التريند بعد كل إطلالة تشاركها مع الجمهور، ما جعل الجمهور ينتقدها بشكل مبالغ فيه، وعلقت ياسمين عز على هذا الهجوم فقالت: قولي ما شاء الله وادعي ربنا تكوني زيها وقلديها وبدل ما نضايقها بالكلام نشجعها، هو أنتي هتخللي؟ ما كلنا هنعجز، و الست في حالها ولا بتغلط في حد ولا بتجيب سيرة حد وعندها روح شبابية باينة على وشها، هو عيب الست تحافظ على جمالها؟ أنتوا عايزينها تتقوقع وتكتئب؟.