نادية الجندي: معنديش مانع اتجوز لو لقيت ابن الحلال اللي أحس جنبه بالأمان

تحدثت الفنانة نادية الجندي عن مواصفات رجل أحلامها، الذي لن تمانع الزواج به في عام 2023، اذ حققت أمنيتها الأولى وهي العمل في السينما.

تحيا مصر يرصد في ذلك التقرير مواصفات فتى أحلام نادية الجندي

موصفات رجل أحلام نادية الجندي

ردت نادية الجندي على سؤال الإعلامية سهير جودة في برنامج الستات المذاع على قناة النهار بشأن إمكانية زواجها بعد تحقيقها أمنيتها في العمل بالسينما، فقالت مازحة: معنديش مانع لو لقيت ابن الحلال

وعن مواصفات رجل أحلامها، فقالت: يكون ابن حلال مش طالبة أكتر من كدة، أحس بسند يكون سندي وراجل مقدر قيمتك وحنون وتحسي جنبه بالأمان لأن الاحساس بالأمان ده أهم إحساس في العالم.

نادية الجندي عن حبها للسينما: بتجري في دمي

وتطرقت نادية الجندي بحديثها عن أعمالها السينمائية والدرامية وشدة حبها للسينما، فقالت: أنا عملت 5 أعمال درامية كلهم حلوين الحمدلله من أوب مشوار امرأة ومن أطلق الرصاص ونجحت جدا في الدراما نفس مستوى أعمالي في السينما، لكن أنا السينما بتجري في دمي.

وتابعت: أنا لو مواقفتش قدام الكاميرا بحس إني هموت، الكاميرا بقت جزء من حياتي لأني من وأنا طفلة في المدرسة وأنا بمثل وانا عندي 16 سنة، لكن كل الأعمال اللي بتتعرض عليا سطحية وأدوار مكررة، أنا عشان أقف قدام الكاميرا لازم أكون مقتنعة وسعيدة بالعمل، واحس إني بقدم شخصية جديدة فيها تحدي.

نادية الجندي ومعاناتها مع الشهرة: أنا اكتر واحدة اتحاربت في الوسط

من ناحية أخرى، كانت قد تحدثت الفنانة نادية الجندي عن بداية مسيرتها الفنية والصعوبات التي واجتها في بداية تألقها، فقالت خلال ضيافتها في برنامج كلام الناس المذاع على قناة mbc مصر:  “أنا أكتر واحدة اتحاربت في الوسط وأكتر واحدة صادفها مقامرات وصراعات وحاربت في الصخر عشان أوصل، لما عملب بمبة كشر من أوله لأخره اتحاربت بطريقة شنيعة ولو الحجات دي كانت قصرت فيا مكنتش وصلت لده دلوقتي، لكن ربنا اللي كان بيقويني وجمهوري، لدرجة اني أعمال نادية الجندي بتحقق نسب مشاهدة كأنها لسة معروضة  النهاردة.