قابلت أجمل ملايكة في قادرون بإختلاف وبتشد للاشخاص اللي عندهم طاقة إيجابية.. أبرز تصريحات هنا الزاهد

تركت الفنانة هنا الزاهد فرصة للجمهور للرد على أسألتهم المختلفة خلال حسابها الرسمي بموقع تبادل الصور والفيديوهات انستجرام، ويرصد تحيا مصر في ذلك التقرير أبرز إجاباتها.

أبرز إجابات هنا الزاهد على الجمهور

• للعناية بالشعر الأكل أهم حاجة والبروتين والنفسية مهمة جدا للشعر، وتاخد فيتامين الصح أو حديد أو فيتامين د
• بحس إني أنسانة مسئولة جدا عن كل اللي حواليا وبحب ده جدا ومقدرش أكون غير كدة.
• منتظرة مسلسل سيب وأنا أسيب على شاهد.
• لسة راجعة من لبنان مخلصة تصوير مسلسل وفيه فيلمين لسة منزلوش فهاخد إجازة لنفسي شوية.
• الجمهور أحلى حاجة في حياتي دائما معايا في كل لحظة، محظوظة لبهم واني عندي عيلة تانية بتحبني الحب ده كله.
• بتشد للاشخاص اللي عندهم طاقة إيجابية وطيبة.
• كنت سعيدة وفخورة جدا بالمشاركة في حفلة قادرون باختلاف وحقيقي من أجمل الحاجات اللي حصلتلي إني قابلت أجمل ملايكة في الدنيا وإن شاءالله نشوف بعض تاني.
• شخصيتي زي مأنا متغيرتش من أيام المدرسة وبحاول على قد مقدر أخد بالي من ده.
• أكتر صفة بكرهها الكدب.
• بحب إني بسامح كتير ومش بفتكر الأذية دايما أفتكر الحاجة الحلوى اللي الانسان عملهالي.
• كان عندنا فكرة ناخد حدوتة من حلوة الدنيا سكر ونعملها مسلسل كامل.
• أنا انسانة بيتوتية لو معنديش شغل أحب أقعد في البيت ومع العيلة أكتر من الخروج.
• علي ربيع من أقرب الأشخاص لقلبي وأطيب واحد في الدنيا.
• مؤمنة جدا إن ديما ربنل بيعملك الخير والأحسن وشايلك حاجة حلوة انت مش عارفها وإن على قد مجهودك على قد ما ربنا هيراضيك.

هنا الزاهد وفيلم تامر حسني الجديد

جدير بالذكر، أنه أثيرت حالة من الجدل بشأن اعتذا هنا الزاهد عن المشاركة في فيلم تامر حسني الجديد، الذي يحضر له حاليا بعد نحاحه في فيلم بحبك، وخرجت هنا الزاهد لتكذب تلك الأقاويل، فكتبت عبر صفحتها الرسمية بموقع انستجرام: الأخبار اللي بتنزل على اعتذاري عن فيلم تامر حسنى الجديد غير صحيحة للأسف أنا متعرضش عليا الفيلم من الأساس، كنت محظوظة إنى اشتغلت في فيلم (بحبك) اللي خدت عليه لحد دلوقتى جائزتين.