فيفي عبده: أول أجر ليا كان جنيه ونص وكنت برقص بجلابية عشان مش معايا فلوس أجيب بدلة رقص

كشفت الفنانة فيفي عبده عن أول أجر تقاضاته مع عملها كراقصة، مشيرة إلى أنها أخذت جنيه ونصف مقسمة عليها مع الأكورديون والطبال.

تحيا مصر يرصد في ذلك التقرير تصريحات فيفي عبده على قناة الظفرة

وتابعت فيفي عبده خلال حديثها في سهرة ليلة رأس السنة على قناة الظفرة: مريت بظروف صعبة ومعشتش طفولتي لدرجة إني رقصت بـ جلابية لأن مكنش معايا فلوس أجيب بدلة رقص.

فيفي عبده: أنا حماة حلوة جدا وبطلب من ربنا طول الوقت يديني عمر زيادة

وقالت فيفي عبده أيضا: طول الوقت بطلب من ربنا إني أعيش وقت زيادة ويديني الصحة، أنا ربنا راضي عليا ورزقني بـ بنات صالحات، والأولاد دول نعمة ورزق في حياتها، وبيهتموا بيا ويراعوني يمكن لأني كنت بارة بأمي، وأنا أنا حماة حلوة جدا، ولو البنت عاملت حماتها زي امها بتاخد ثواب كبير جدا.

فيفي عبده: الجمهور حططني في دماغه وبشوف ده حب

وتطرقت فيفي عبده بحديثها عن الشائعات، فقاتل: موتوني وأنا عايشة، مش ممكن أتصور مع معجبيني ولا اعمل فيديو معاهم بمقابل ودي إشاعة من الإشاعات اللي بتطلع عليا، أنا عاملة زي الشجرة المثمرة بيتم ضربها بالطوب، والجمهور حطني في دماغهم عشان ده حب.

فيفي عبده تعطي دورس مجانية في الرقص

جدير بالذكر، أنه أعلنت الراقصة فيفي عبده عن نيتها في إعطاء دروس اونلاين في الرقص بالمجان، وذلك في فيديو نشرته عبر حسابها الرسمي بموقع تبادل الصور والفيديوهات انستجرام، قالت فيه: انا بخاف من كورونا جداً لأنها جاتلى وكنت بموت ومش بتحرك من البيت،فقررت أنعزل الناس والحياة وأفضل فى الساحل الشمالى، وهطلع أرقص كل يوم وهدرب الجمهور على الرقص اونلاين.

بعدها ظهرت في مجموعة فيديوهات وهي ترقص في الساحل الشمالي، ما جعلها عرضة لـ الانتقادات، اذ جاءت تعليقات الجمهور: اعملي لاخرتك، هو عشان نعيش فرحانين لازم نرقص ونلبس ملابس خليعة؟، ياريت نتعظ وكفايا قرف بقى، الله يهديكي روحي اعملي عمرة أفضل، وغيرها من التعليقات الهجومية التي تتجاهلها فيفي عبده عبر مواقع التواصل الإجتماعي.