فيفي عبده: أنا شجرة مثمرة بيحدفوها بالطوب.. وأنا بحب الحياة وبحس إني عندي 25 سنة

حلت الفنانة فيفي عبده ضيفة على قناة الظفرة، وذلك ضمن ضيوف ليلة رأس السنة 2023، والتي كشفت خلاله عن كيفية استقابلها للانتقادات.

تحيا مصر يرصد في ذلك التقرير تصريحات فيفي عبده على قناة الظفرة

فيفي عبده: معرفش أسيب حقي وأنام

وقالت فيفي عبده: كنت بهتم بالكومنتات اللي الجمهور بيكتبها في البداية، لكن دلوقتي بقيت صايعة كنت بلاقي حاجات تحرق الدم، ومرة لقيت بنت كتبالي أنا عندي 20 سنة ومش قادرة أدخل التويليت، قولتلها لو انتي عيانة ربنا يشفيكي، لكن لو انتي بتشمتي فيا أو بتعملي فيها مقلب هقول ربنا ياخدك، أنا معرفش أسيب حقي وأخد حقي وأنام.

فيفي عبده عن الشائعات: بيموتوني وأنا عايشة.. ومش باخد فلوس من معجبيني

وتطرقت فيفي عبده بحديثها عن الشائعات، فقاتل: موتوني وأنا عايشة، مش ممكن أتصور مع معجبيني ولا اعمل فيديو معاهم بمقابل ودي إشاعة من الإشاعات اللي بتطل عليا، الشجرة المثمرة بيتم ضربها بالطوب، والجمهور حطني في دماغهم عشان ده حب.

فيفي عبده: مش حرام أعيش طفولتي وأنا جدة

وأضافت: حاسة إن أنا عندي 25 سنة عشان معشتش طفولتي، شغل وشقى فحرام إن أعيش طفولتي دلوقتي عشان أنا أم أو جدة،  أنا ست بحب الحياة زي صباح ويارب يديني عمر زيها كدة.

جدير بالذكر، أنه  كانت آخر أعمال الفنانة فيفي عبده الدرامية مشاركتها في السباق الرمضاني 2022، من خلال مسلسل “شغل في العالي”، بجانب الفنانة  شيرين رضا، توني ماهر، بسمة داود، مروان يونس، كريم سرور، وعدد من ضيوف الشرف، من تأليف حسين مصطفى محرم وإخراج مرقس عادل، وحقق العمل نجاحا ليس بالقليل خلال فترة عرضه في رمضان.

ودارت قصة مسلسل “شغل في العالي” حول جليلة وشروت امرأتان مختلفتان يجمعها حظهما العثر وزيجاتهما الفاشلة فتصيران صديقتين، وتلجأن لتكوين عصابة ﻷخذ ثأرهما من الرجال، لكن الأيام تحمل لهما مفاجأة تختبر بها صداقتهما، وتحدثت شيرين رضا عن كواليس تصويره، فقالت: التصوير كان مرهق للغاية فقد قدمنا بالتصوير لمدة 35 ساعة متواصلة فى إحدي المرات ، ولكن هذا لا ينفي أننا كنا سعداء.