هاني البحيري عن سر لياقته: بشرب العصير من غير سكر وباكل زبادي لايت| خاص

حرص مصمم الأزياء هاني البحيري، الكشف عن سر لياقته البدنية ونظامه الغذائي وذلك خلال لقائه بموقع تحيا مصر على هامش حفل توزيع جوائز وشوشة 2022.

تحيا مصر يرصد في ذلك التقرير تصريحات هاني البحيري لـ وشوشة

هاني البحيري وسر لياقته

وقال هاني البحيري خلال حواره مع تحيا مصر: بشرب العصير من غير سكر والنسكافيه بلاك وباكل زبادي لايت وبشرب مايه كتير وبنزل الجيم.

وحضر حفل توزيع جوائز وشوشة عدد كبير من نجوم الفن في التمثيل والغناء والإعلامية منهم دعاء فاروق، البلوجر كنزي مدبولي، اليوتيوب أحمد حسن وزينب، الراقصة دينا، مطرب المهرجانات الشعبية حمو بيكا وزوجته، المطرب وائل جسار، مي سليم وابنتها، الفنان أكرم حسني وابنه، حسن الرداد، محمد محمود عبد العزيز، المطرب رامي جمال، ونجمة مسرح مصر ويزو، والفنان الشاب اسلام جمال وغيرهم من النجوم.

هاني البحيري وعلاقاته بوالده 

جدير بالذكر، أنه سبق وتحدث هاني البحيري عن علاقته بوالده الراحل، قائلًا: اتوفى من سنين وامي شالت الهم من بدري، علاقتي بوالدي كانت متوترة عشان كانوا منفصلين جسديًا بس مش منفصلين على ورق، كان موجه اول تربيةوتعليم وكان عايزنا على نفس النهج، كنت بشتغل في الخفا واتضربت وكنت بتشتم، واتعاملت معايا انها واحدة واخده ماجستير ودكتوراة، بس هتذاكر وتنجح بس ابويا الله يرحمه لم يشهد أول نجاحاته، توفى فجأة وجاتله جلطة في المخ، بس هو كان عصبي المزاج وكان يضايقني ان مكناش صحاب أوي، بس لما كبرنا بقى عصبي جدًا، كان خايف ليه اطلع فنان وليه تطلع ترسم، كان مدرسة قديمة وعايزنا كلنا نفس النهج وكلنا دخلنا ادبي عشان نهرب منه، كان عايز يوشفني بذاكر ودماغه كانت كده، يمكن امي ساعدت وساندت لحد النهاردة، عشان القلب الكبير ربنا اداها عمر وصحة وتشوف نجاحاتي.

هاني البحيري وطقوسه الرمضانية

كما تحدث هاني البحيري عن طقوسه في شهر رمضان الكريم، فقال: شهر رمضان كنت باخد فيه اجازة شوية مثلًا بشتغل لحد 5 ومن بعد الفطار مفيش شغل، ولكن الفترة دي الشغل اختلف والحياة اختلفت والظروف كمان، بس رمضان هو رمضان بالنسبالي هي صوم وصلاة وقراءة قرآن وليلة رمضان ببقى في عمرة مع أهلي، بس بقالنا سنتين مزورناش بسبب الكورونا.