ياسمين عز: اتحدى جوجل انه ميعرفش الصوت الشتوي والصيفي وجورجينا بتسمع كلامي وبتنفذه

تحدث الإعلامية ياسمين عز عن هدية جورجينا لـ كريستيانو رونالدو، ووجهت بعض النصائح لجورجينا، كما تحدثت عن خامة الصوت الصيفي والشتوي التي تصدرت بها تريند مواقع التواصل.

تحيا مصر يرصد لكم تصريحات ياسمين عز

وقالت ياسمين عز في برنامجها كلام الناس الذي يعرض عبر قناة ام بي سي مصر: المعلومه تاخدها مني ومترجعش ورايا انا اقولك معلومه ومع احترامي لجوجل واتحدى جوجل انه ميعرفش الصوت الشتوي والصيفي وخد المعلومه من كلام الناس مش من جوجل

ياسمين عز: جورجينا بتسمع كلامي وبتنفذه

وتابعت ياسمين: كلامي بيوصل لجوروجينا والست بقالها اسبوعين مجرد ما اقولها الكلمتين بتنفذهم وانا بحب الستات اللي بتسمع الكلام

واستكملت: جورجينا بدات تهتم بالعيال وأبوهم وبتلمهم بس ملهوش لازمه الشو، داري على شمعتك تقيد ومعرفش ليه جورجينا مش بتتعلم من انتونيلا

ياسمين عز: انتونيلا بتخاف من العين 

وأضافت: مرات ميسي جبتله عربية بس هي ناصحة وعارفة أن العين فلقت الحجر ومش بعيد تكون دبحت حاجه عشان هي ست بتخاف على جوزها.

وتابعت ياسمين: جورجينا عايزة تحرج كريستيانو وهو برضو مش معبرها ومش عايز يتجوزها وكريستيانو مش سهل ودماغه توزن بلد وجو الفيونكة الحمرا مش بتاكل معاها وهو فرح بالهدية بس فاهم ان العربية والهدايا من فلوسه

ياسمين عز: كريستيانو هيقلل مصروف البيت لجورجينا عشان بتخنصر من وراه

وكشفت ياسمين: كريستاينو هيقلل مصروف البيت عشان جورجينا بتخنصر من وراه، وهو كان سيبلها فلوس عشان تجيب هدوم العيد ونزلت جابت اي لبس للعيال وقالت هاخد الفلوس واجيب عربية ومش مهم لبس العيد ولبس العيال.

الصوت الشتوي: سهتان ودافي وبيجيب عرسان

تصدر مصطلح الصوت الشتوي تريند مؤشرات الاكثر بحثا على موقع جوجل الشهير، كما أصبحت حديث السوشيال ميديا لعدة أيام متتالية، وذلك بعد تصريحات ياسمين عز عن مواصفاته التي يتمناها الشباب، وذلك خلال برنامجها كلام الناس، ووصفت ياسمين عز الصوت الشتوي بأنه "دافي، سهتان، ناعم، نعسان"، وأشارت إلى أنه الصوت المفضل لدى الرجال، إذ أنهم دائما ما ينجذبون إليه وتسعى عدد من السيدات إلى تحويله صوتها له بمجرد ارتباطها، أما عن الصوت الصيفي فوصفته ياسمين عز بأنه: " مصحصح طول الوقت، حاد، عالي، مزهز طول الوقت، تسعى النساء لتحويله مجرد أن ترتبط".