نصبت عليا هي وجوزها في مليون جنيه.. الحاجه نجية تصرخ: بنتي خانت العهد والوعد ورمتني في الشارع

في قصة مأساوية تجسد المعني الدنيئ لـ  صفة "جحود الأبناء"، مارست الزوجة هبه، بصحبة زوجها، أبشع صور عقوق الوالدين، وكفران النعمة، بعدما قامت بالاعتداء على والدتها السيدة المسنة التي لا تستطيع التحرك، ومارسات أعمال النصب على والدتها، التي ائتمنتها على مالها وأملاكها، إلا أنها خانت العهد وغدرت بها.

تروي الحاجة نجية، في لقائها بموقع تحيا مصر، تفاصيل تعرضها للنصب على يد ابنتها هبه وزوجها، بعدما أخذت منها مكافآة نهاية خدمتها بوزارة العدل، والمقدرة بـ 400 ألف جنيه، إضافة إلى ثمن شقتين تقدران بـ 360 ألف جنيه، فضلا عن حصولها وزوجها على بطاقة صرف المعاش لمدة تجاوزت الـ 3 سنوات.

تقول السيدة نجية: "بنتي كانت محترمة، وكانت تتآمن على الدهب.. ومش عارف هي اتحولت كده ليه هي وجوزها؟!.. سرقوا مني كل حاجه.. ومكنتش متوقعة إنها تغدر بيا وتخوني".

وأضافت" كان عندي شقتين في العاشر من رمضان، بعتها وشريت شقة وكتبتها باسم بنتي بـ 360 ألف جنيه، وجبت مكافآة نهاية الخدمة وعطتهالهم علشان يكملوا على الفلوس ويجيبوا شقة.. ويحطوا الفلوس البقية في البنك".

وكشفت أن "زوج بنتي ضحك عليها وكتب الشقة باسمه.. والفلوس اللي أخدتها مكافأة سرقوها مني بردو.. بس ضحكوا عليا.. خدوا 400 ألف جنيه مكافأة .. و 360 ألف جنيه من ثمن الشقتين، وخدوا الفيزا مني بتاعة المعاش".

نصبت عليا هي وجوزها في مليون جنيه.. الحاجه نجية تصرخ: بنتي خانت العهد والوعد ورمتني في الشارع

وأردفت: "رغم كل ده كانوا بيبهدلوني ويهزقوني.. ومعنديش بطانية أتغطى بيها.. لأن بنتي أخدت مني كل حاجه.. وأخدت مني 5 بطاطين.. وأوضة نوم".

وأوضحت: "أنا مريضة ضغط وسكر .. ورغم كده مبتسألش عليا ولا تشوف أنا كلت ولا مكلتش .. نمت ولا منمتش".

وأردفت: "بقالها كذا شهر مش بتيجي تشوفني.. آخر مرة جات ضربتني علشان تاخد حاجات موجودة في الشقة.. اللي هي أصلا مش بتاعتها".

ونوهت "لما قولت لبنتي أنا مش معايا فلوسي ومعاشي قليل ومش لاقيه أكل.. قالتلي استعبطي، استعبطي.. وحفيدتها قالتلي هو احنا مش قادرين نضربك".

خدعها وباع كليتها.. هبة تستغيث: جوزوني وأنا عندي 13 سنة.. ابني بيعايرني بإني تربية ملاجئ.. ونفسي في «حياة كريمة»

وكشفت أن "دلوقتي زوج بنتي رفع قضية عليا.. علشان يطردني من الشقة، وقطع عليا المياه.. وعايز ياخد مني 150 ألف جنيه علشان يبيع الشقة اللي أنا أصلا دافعها فلوسها.. وبعدها قال عايز آخد 300 ألف جنيه.. كل ده رغم إني كاتبة تنازل لبنتي أرض 200 متر في مطروح".

"دلوقتي أنا عايشة على العيش والجبنة.. ولما الدكاترة نصحوني.. آكل علشان العلاج اللي باخده.. بدأت آكل كشري".