سارة نخلة: انا ضد التبرع للغريمات وبحتقر البنات اللي بتسبب دا لمامتها

رفضت الفنانة سارة نخلة التبرع للغريمات، كما احتقرت كل بنت تتسبب في وضع والدتها كـ غارمة في سبيل زواجها والاستمتاع بحياتها.

تحيا مصر يرصد لكم رفض سارة نخلة التبرع للغريمات

سارة نخلة: فين التربية  اللي تخليني أسمح لنفسي إن مامتي يبقى اسمها من الغارمات

وكتبت سارة نخلة في منشور عبر حسابها بموقع التواصل الاجتماعي فيسبوك: يعني ايه اروح أتجوز و أنا عارفة أن مامتي ماضية على نفسها شيكات أو سندات أو أي حاجة ممكن توديها في ستين داهية بس عشان انا اتجوز و اتبسط و اعيش حياتي واتفشخر قدام عريسي و اهله ان مامتي جهزتني و جابتلي التلاجة و الغسالة و بالشئ الفلاني مع اني عارفة انها مش هاتعرف تسدد ديونها.

وتابعت: هو فين الإحساس و التربية و الأخلاق اللي تخليني أسمح لنفسي ان مامتي يبقى اسمها من الغارمات و الناس تتبرعلها بفلوس عشان تخرج من السجن بسببي.

وأضافت: أنا ضد التبرع للغارمات و بكره الكلمة دي و غير مقبولة تماما و بحتقر أي وحدة تعمل كدا في مامتها عشان تتجوز .. انتي راضية ان مامتك تتسجن عشان انتي تتجوزي.

سارة نخلة: ملعون ابو دي جوازة اللي ممكن تخلي مامتي عليها خطر لو ١ ٪؜ 

واستطردت: دا انا لو مش هاتعب بالقرش و اموت نفسي الف مرة عشان احوش يبقى انا ما استاهلش اصلا .. ملعون ابو دي جوازة الي ممكن تخلي مامتي عليها خطر لو ١ ٪؜ .

واختتمت سارة نخله حديثها: دا الناس بتتعب و تربي عشان بس يكبروا عيالهم يشيلوهم على دماغهم و يصرفوا عليهم مش عشان يتحبسوا بسببهم .. مش قادرة اتخيل ولا افهم الناس دي بتفكر ازاي بجد ..عبث.

شيرين ترفض التبرع للغريمات

ولم تكن الفنانة سارة نخلة الوحيدة التي رفضت التبرع للغريمات بل صرحت الفنانة شيرين بأنها ضد التبرع للغارمات، خلال حضورها إحدى الندوات خلال فعاليات مهرجان الإسكندرية السينمائي لدول البحر المتوسط في دورته الـ 38، قائلة: اسمحوا لي أقول إني ضد التبرع للغارمات، وعارفه إني هتهاجم على الكلام ده.

الجدير بالذكر، أن الفنانة سارة نخلة قد شاركت في العديد من الأعمال الفنية التي حققت من خلالها  نجاحا كبيرا، من بينها: مسلسل حكايتي مع ياسمين صبري، ومسلسل كلبش واختيار إجباري، للحب فرصة أخيرة وغيرها من الأعمال.