أتطلقت وأنا لسة بكر.. سماح تروي مأساتها لأت تحيا مصر: شكك في عذريتي وفضحني

" هددني أنه هيبعتلي مسجلين خطر يرشوا عليا ماية نار عشان أرجعله " بتلك الكلمات روت سماح لتحيا مصر في بث مباشر عن الحياة المأساوية التي عاشتها مع زوجها علي مدار 3 سنوات لم تري فيهم إلا الضرب والأهانة والتشكيك في عذريتها والخوض في شرفها مستغليا وفاة والديها والقيام بكل ذلك مقابل رجعوها إليه والعيش تحت رحمته .

بتضرب وأتهان من تالت يوم جواز 

بدأت سماح حديثها لتحيا مصر :" أتجوزت جوزي من 3 سنين وكان في سنة 2020 هو يبقي شغال محامي ومن تالت يوم جواز وأنا كنت بتضرب وبتهان لدرجة أني كنت أوقات روحي هتطلع في أيدي وكان ممكن توصل بيه أنه لما يغضب من أبسط تصرف ليا يطردني وأنا بقميص النوم وأتحايل عليه يدخلني بيتي وكان أوقات كتير عشان يجرحني يقولي " أنا هجيب صحابي يباتوا معانا في البيت " مش مراعي أني واحدة ست وأهلي مربيني علي الأحترام وأني مينفعش أبات مع رجالة غريبة ده غير أنه كان حابسني بـ3 كوالين  ومفاتيحهم معاه وكل ده عشان مخرجش ولا أشوف الشارع ".

أتهمني وأنا مراته أني مش بنت وكان بيقنع الناس بكدة

وتابعت :" أتطلقت من جوزي بعد تالت شهر جواز ومكنتش أهانته ليا هي سبب الطلاق بل بالعكس كل ده كان ممكن أستحمله لكن اللي مقدرتش أقبله علي نفسي هو تشكيكه في عذريتي وأنه مكنش مصدق أني بنت وقال ده لكل الناس وكل ده بسبب أني كنت بعاني من كيس دهني ومحتاجة أشيله راح هو أفتكر أني غلطت مع حد قبل كدة وحملت منه كمان وكان بيقولي " شوفي أنتي والدة فين قبل كدة " وبيقنع الناس كمان أني كدة  وأنا مكنش في راجل دخل حياتي غيره ".

أنفصلت عنه وأنا لسة بكر بعد تالت شهر جواز 

وأستكملت حديثها :" بعد المعاناة اللي عيشتها دي مع جوزي قررت أنفصل عنه وطلبت منه الطلاق وأني متنازلة عن كل حقوقي مقابل أنه ميبهدلنيش في المحاكم لكن هو رفض ووقتها أضطريت أرفع عليه دعوث خلع وهو لما عرف رفع عليا قصادها دعوي فسخ جواز وكانت حجته أنه أكتشف أني بزني مع اخرين وطلب أني أعمل تقارير تثبت عذريتي وأني ممارستهم علاقات جنسية مسبقة وأن الرحم عندي سليم من الأجهاض وبالفعل التقارير أثبتت أني سليمة وعذراء مية في المية لدرجة أن هو كمان أعترف بده وساعتها خرجت من بيته بعد 3 شهور بس جواز وأنا لسة بكر ".

بيهددني بالقتل وبيقولي يا رخيصة ياللي مشوفتلكيش راجل 

وأختتمت حديثها :" بعد ما أنفصلنا رسميا بدأ يهددني بالقتل وأنه هيبعتلي 3 بنات مسجلين خطر عشان يرشوا عليا ماية نار وكان بيقولي " يا ترجعيلي يا هفضحك " وكل ده بسبب أنه بيستغل غياب أهلي ووفاة أبويا وأمي وكان دايما يقولي " يا رخيصة ياللي مشوفتلكيش راجل " ووصلت بيه كمان الجرأة أني لو صدرتله أي شخص من طرفي عشان يحميني منه أنه ساعتها هيلبسه قضية سرقة بـ300 ألف جنية وأني لو اتكلمت أو فتحت بوقي هيطلع عليا سمعة أني شمال وأني كنت ماشية معاه قبل الجواز عشان يسوء سمعتي كل ده أنا شوفته منه وكنت من قهرتي بفكر أزاي أنهي حياتي في أي لحظة لكن ربنا هو اللي كان بيستر ومش هقدر أوجهله رسالة غير حسبي الله ونعم الوكيل ".