بسمة داوود عن ردود الفعل عن شخصيتها بمسلسل إيجار قديم: لو من قلبك مكرهتنيش يبقى أنا معملتش شغلي

تحدثت الفنانة بسمة داوود عن ردود الفعل الغاضبة تجاه دورها في مسلسل "إيجار قديم" الذي تم عرضه مؤخرًا، وحقق نجاحًا كبيرًا.

تحيا مصر يرصد لكم تصريحان بسمة داوود

وقالت بسمة داوود خلال استضافتها في برنامج عيش صباحك الذي يقدمه يوسف التهامي وفانا إمام والذي يُذاع عبر قناة نجوم أف أم: شخصية ريهام في مسلسل إيجار قديم مش شريرة خالص.

وأضافت: "ريهام عملية بشكل كبير جدا، مع ارتباطها بشريك حياة شخصيته مش قوية ومهزوزة، ودلوقتي في الجيل بتاعنا لما تلاقي الرجل مش هو اللي بياخد القرارات، هتقول له استنى على جنب، أنا لي الطلعة دي، ده بقى العادي بتاعنا دلوقتي".

وتابعت بسمة داوود: "مش لازم نبقى زي ريهام، بس هي وأهلها موجودين بشكل كبير جدا، أنتوا مش متخيلين الناس اللي بتفضل تطلب، أنا عن نفسي كـ بسمة مابحبش كده، لو أنا متفاهمة مع واحد، شبكتي ومهري وحياتي وبيتي دي باتفاقنا مع بعض، بس للأسف في ناس ماتعرفش تعمل ده".

بسمة داوود: لو من قلبك مكرهتنيش يبقى أنا معملتش شغلي

وأكدت أنها تلقت العديد من ردود الفعل الغاضبة حول دورها في مسلسل "إيجار قديم" قائلة: "أنا ممثلة، لو من قلبك مكرهتنيش يبقى أنا معملتش شغلي، زي ما عملت أدوار قبل كده، أيام الكورونا كنت أبقى لابسة الماسك، يعرفوني ويعرفوا صوتي ويحبوني".

وواصلت: "أنا ممثلة عملت في إيجار قديم دوره مكروه، الدور اللي بعده ممكن يبقى محبوب".

مسلسل إيجار قديم

ويضم مسلسل إيجار قديم عدد كبير من نجوم الفن وحقق نجاحًا كبيرًا ومنهم: ميمي جمال، إلهام وجدي، بسمة داوود، شريف منير، فيدرا، محمد الشرنوبي، صلاح عبدالله، هشام إسماعيل، حازم سمير، وأسامة عبد الله وتأليف عمرو الدالي وإخراج طارق رفعت، إنتاج كريم أبو ذكرى.

بسمة داوود ومصطفى شعبان

وسبق وشاركت الفنانة بسمة داوود في مسلسل ملوك الجدعنة مع الفنان محمد شعبان والذي عرض في السباق الرمضاني موسم 2020، وكان المسلسل يضم عدد من نجوم الفن ومنهم: عمرو سعد، مصطفى شعبان،  دلال عبدالعزيز، ياسمين رئيس، رانيا يوسف، أحمد صفوت والراحل يوسف شعبان، من تأليف عبير سليمان وإخراج أحمد خالد موسي.