نسرينا: كنت الام والاب لاولادي وهذا كان شرط طليقى في بداية زواجنا

تحدثت الفنانة نسرينا عن قصة زواجها وطلاقها، وذلك خلال استضافتها في برنامج كلام الناس التي تقدمه الإعلامية ياسمين عز ويعرض عبر قناة أم بي سي مصر.

تحيا مصر يرصد لكم تصريحات نسرينا

وقالت نسرينا: كنت بحب اركب موتوسكلات جدًا من وأنا صغيرة، وانتيمه جوزي قالتلي هعرفك على حد وياخدك لفة ودي كانت بداية تعارفنا

وتابعت: هي صاحبتي وانتيمه جوزي ومعنديش مشكلة وبتقبل ده من زمان ومش عندي مشكلة وانا مش بغير أوي وطالما مجتيش على كرامتي او تخطت حدودي خلاص.

نسرينا: عرفت جوزي وانا عندي 16 سنة

واستكملت: عرفت جوزي وأنا عندي 16 سنة وهو كان عنده 30 سنة ومش حاسه بفرق العمر بينا وهو عملي جدا واكتر حاجة بيحها شغله وبيجيله ازعاج من كتر ما بتصل بيه وساعات مش بيرد ومش بضايق عادي.
وأضافت: انفصلنا بكل احترام ومحبة وأخوة وهو مفيش حد فاهموا زيي ولا حد فاهمني زيه وانا مش عندي استعداد لمعرفة اي طباع رجل واو اتعرف على حد.

وعن فكرة الرجوع مرة أخرى قالت: في حاجه معينة متسببة منع الرجوع وانا وهو وصلنا لمرحلة اتنين مش بنعرف نعمل حاجه غير لما نعرف بعض وفي حياة واولاد، وهو في طباع صعبة هو عايش لوحده وانا مع ولادي عشان كده موضوع الرجوع صعبة لكن مش مستحيلة هو ارتاح بعد الانفصال.

نسرينا: كنت الأم والأب لأولادي

وتابعت: تربية الاولاد صعبة جدا وانا كنت الراجل والست مع ولادي  وكانوا بيخافوا مني وبيحبوني وعندي مواعيد التزام ودراسة انا سيبت الدراسة واتجوزت بس هما ولاد وممكن مش هسيبلهم فلوس بس اسيبلهم كيان، وباباهم مكنش موجود في حاجات كتير.

نسرينا: طليقي في بداية زواجنا شرط عليا مفيش حد هيساعدني في البيت

وكشفت: بداية حياتنا انا وطليقي كنا لسه واخدين البيت ووقفنا مع بعض في البداية وهو عمل شرط عليا ان مفيش اي حد هيساعدني في البيت ولازم اتعلم كل حاجه ومامتي كانت بتعلمني وانا كنت مهملة بالنسبة ليها.

وتابعت: كنت بكلم صاحبتي واسالها وكان في لغبطة وكان بيقولي ميشغلش بالك ولا يهمك وهو شخص كول وانا عصبية وهو عصبيته قاتلة وبكرهها هي مش بتطلع كل فين وفين بس انا بحب شخصيته الطيبة وكانت واخده الوقت الأطول

واستطرت: وهو وقف معايا كتير جدا وانا تعبانه وبيكون جنبي في التوقيتات الحرجة.

وتحدثت نسرينا عن ظاهرة التريندات وقالت: في ناس بتطلع تعمل تريندات وكل واحد بيعرف يعمل حاجه يعملها وانا اتربيت لو عندي كلمة كويسة اقولها مش عندي مش هتكلم ومش من حقي اتكلم على حد من غير ما اعرفه انا هتحاسب لوحدي مع ربنا.

وقالت: احنا داخلين في العلامات الكبرى في يوم القيامة ومش لازم نحكم على اي حد وسمعت كلام كتير بضايقني، وانا ماشية بمثل يابخت من بات مظلوم ومباتش ظالم.

وأضافت: الدين أخلاق وانا لما حد يعاملني هشيله فوق دماغه وانا بقالي فترة متجاهلة ناس كتير، وانا بكلم ربنا ولما ببقى عايزة حاجه مش بطلب من حد بطلب من ربنا وبيسخرلي حد وانا متمنتش حاجه غير واتحققت

واختتمت: كل واحد عارف هو ظلمني ولا داين تدان ومش بيهمني حد وانا عارفة نفسي وواثقه في نفسي وناس كتير بتكتب على السوشيال ميديا وناس بترد عني من غير ما يعرفوني.