بلبس بروكة في الشغل ودينا الشربيني من أعز صحابي.. تصريحات شيرين رضا في gossips

حلت الفنانة شيرين رضا ضيفة على برنامج gossips، المذاع على السوشيال ميديا، والتي كشفت خلاله العديد من التصريحات الجريئة عن حياتها الشخصية، ويرصد تحيا مصر أبرزها في هذا التقرير.

أبرز تصريحات شيرين رضا في gossips

• صورتي أنا وأبويا وأنا صغيرة سايبة جوايا أثر لحد دلوقتي.
• دلوقتي معنديش حاجة غير شغلي ودا هدفي في الحياة.
• كل يوم بخرج من غير ميكب تمام وصوري كله بدونه.
• المكياب مهم جدا بس مهم للشغل مش للحياة.
• بلبس بروكة في الشغل ديما وباخد مسكنات بسببها عشان بتعملي صداع.
• الجمهور اللي مبيقدرش وبينتقدوني طول الوقت ممكن يخلوني ألجأ للمسكنات.
• كلمة أسف بتعصبني وبعتبرها شتيمة هو مسكرليش حاجة عشان يعتذرلي واللي عايز يتأسف مكنش غلط من الأول.
• مش بيبقى عندي وقت انام فيه بسبب الشغل، وأخرى 4 ساعات نوم.
• العلاقات ليها دعوة بالشخصية مش بالشكل، ومش بننام على مخدة واحدة عشان شكلنا حلو.
• دينا الشربيني ومنة شلبي هما دول صحابي في الوسط الفني.
• بحب ريحة الدخان الأسود اللي بيطلع من العربيات، وبستعمل برفانات رجالي أحيانا.
• بصرف فلوسي على الشوبينج والحب وراحة البال والسعادة مش بيتشروا

شيرين رضا تثير الجدل بـ تصريحاتها عن زفاف ابنتها

من ناحية أخرى، سبق وأن أثارت شيرين رضا الجدل بتصريحاتها عن سبب عدم اقامة حفل زفاف لـ ابنتها، اذ قالت في تصريحات تليفزيوينة: احنا معندناش الأفراح ومش بنأمن بيها أنا عمري ما لبست فستان فرح لبست في التمثيل بس في الحقيقة لا بس كل واحد حر ويعمل اللي عايزة.

شيرين رضا: الأفراح فلوسها كتير ومش هعمل فرح لبنتي عشان نجيب ناس تنتقدنا

وتابعت: هي مش كده واحنا متربناش كده وانا بشوف الحفلة الكبيرة فلوسها كتير ليه هما ميستمتعوش بفلوسها وفستان الفرح غالي جدًا هي تستمتع بفلوسه هي وجوزها، وهي مش عايزة تعمل فرح وأنا عمري ما كنت بتمنى أعمل فرح، لسه هنشوف بس هنعمل عشاء بسيط وهنعمل حاجة صغيرة والمهم هي وجوزها واهله واهلها يفرحوا ومش لازم نجيب الناس اللي شوفناها السنة اللي فاتت ونعزم ناس تنتقدنا.

تلك التصريحات عرضت شيرين رضا لـ هجوم مريع عبر مواقع التواصل الإجتماعي المختلفة، مشيرين إلى أنها فنانة وزوجها مليونيور فلا تحتاج لـ مال حتى تمتنع عن إقامة حفل زفاف ابنتها.