تامر حسني: الرصاصة بتموت شخص لكن الكلمة السامة ممكن تموت أجيال

حرص النجم تامر حسني على توجيه نصيحة لجمهوره بخصوص تأثير الكلمة الطيبة على الإنسان، مستعينًا بمشهد من فيلمه “مش أنا”، وذلك من خلال منشور له عبر حساباته الشخصية على مواقع التواصل الاجتماعي المختلفة.

تحيا مصر يرصد تفاصيل أحدث منشورات تامر حسني

حيث نشر تامر حسني مشهد من فيلم “مش أنا”، وعلق عليه قائلًا: “مساء العسليات عالكل المشهد ده فيه رسالة جميلة احياناً ممكن يبقى ليك صديق أو ليكي صديقة مريضة أو تعبانة أو في حاجة فيها بتضايقها نحاول أن احنا عمرنا ما نسخر من حاجة في حد هو ملوش ذنب فيها خلقة ربنا”.

رسالة تامر حسني لجمهوره عن الكلمة الطيبة

وتابع: “أو ابتلاء لان الشخص دا اصلاً نفسياً مع نفسه اللي فيه مكفيه لو كان ربنا كاتب أن احنا اللي نبقى حواليه فاكيد عشان نشجعه ومايقفش عند الموضوع دا ويعرف أن في ناس عندها أكتر منه حجات لا تحتمل و قدروا مايشوفوش غير كل ما هو إيجابي وعرفوا يتصالحوا مع نفسهم ويبقى عندهم رضى من الدرجه الأولى ويحمدوا ربنا على ده ويفهموا أنه ابتلاء أو اختيار ايه مكاسب أكبر وأكتر من اللي معندوش”.

وأضاف: “الشاطر بس اللي يفهم كده ودا دور الأصحاب الطيبين اللي ربنا ممكن يجازيهم خير مكانوش يحلموا بيه بسبب الدعم النفسي لغيرهم بسبب الكلمة الحلوة وطبعاً هنا الأستاذ ماجد بيمثل مشهد إنما هو من أطيب وأنضف القلوب”.

واختتم منشوره قائلًا: “والله يا جماعة الكلمة الحلوة ممكن تساهم في أن شخص ينجح وأن شخص يفشل الكلمة الحلوة ممكن تدي أمل عظيم للحياة.. تخيلوا الرصاصة بتموت شخص لكن الكلمة السامة المحبطة اللي ممكن تلوث فكر وتبوظ عقل جميل ممكن تموت أجيال.. ويومكم جميل إن شاء الله”.

تامر حسني يوجه رسالة إيجابية لجمهوره

وسبق وشارك الفنان تامر حسني فيديو له يوضح من خلاله مسيرته الفنية الشاقة، موجها رسالة إيجابية للجمهور ولكل من أحبط من محاولاته الفاشلة، وكتب تامر حسني عبر حسابه الرسمي بموقع تبادل الصور والفيديوهات انستجرام: طالب من كل متابعيني يشوفوا الڤيديو ده لانه مليان بالطاقه الايجابيه اللي ممكن تطمن كتير منكم ممكن يكونوا احبطوا عشان فشلوا في شيء بس ميعرفوش ان اللي مستنيهم اهم و اجمل بس يجتهدوا و يسعوا ربنا موجود و مش بيضيع تعب حد.