قولتله زيك زي العامل اللي بيشيل الكاميرا.. إيناس الدغيدي تروي تفاصيل مشادة بينها وبين أحمد زكي

روت المخرجة الشهيرة إيناس الدغيدي تفاصيل مشادة كلامية حدثت بينها وبين النجم الراحل أحمد زكي، وذلك خلال لقاءها اليوم ببرنامج "أسرار النجوم" مع المذيعة إنجي علي على محطة راديو نجوم إف إم.

تحيا مصر يرصد تفاصيل تصريحات إيناس الدغيدي في أسرار النجوم

حيث قالت إيناس الدغيدي: "لما اتخانقت في مرة مع الفنان الراحل أحمد زكي في فيلم من أفلامنا، وهو وقتها تعامل بروح النجومية، قولتله أنت تعمل لقطة النجومية دي مع الأولاد اللي بيقولوا اسمك في الشارع لكن هنا جوا البلاتوه أنت مش نجم ولكن زيك زي العامل اللي بيشيل الكاميرا وتسمع كلام المخرج".

وتابعت: "لأنك لو مش هتسمع كلامي، كل دول مش هيدوا اعتبار للمخرج، وللأسف القيم دلوقتي اختلفت تماما، النجم طبعا هيفضل نجم ولكن قصة إن النجم يكون أعلى من المخرج ضيعت هيبة السينما، والمخرج نفسه بيضيع هيبته لو قبل بالوضع دا، وأنا شخصيا كنت بختار النجوم ومفيش نجم اختارني، والنجم بيسمع الكلام طالما بتديه قيمته".

السبب وراء اتجاه إيناس الدغيدي للإنتاج السينمائي

وفي الحلقة ذاتها، كشفت إيناس الدغيدي عن السبب الذي جعلها تتجه إلى إنتاج أعمالها الفنية، حيث قالت: “السينما عشان تعملي فيلم حاليا لازم تكوني مختلفة، لأن الدراما قتلت كل الموضوعات بصراحة واتكلمت في كل حاجة، السينما لازم يكون ليها خصوصية والأفكار فيها أجرأ”.

وتابعت: "والمنتجين للأسف بيقولولي أنتي بتدخلي في الممنوع والمحظور ومعادش فيه منتجين عندهم الجرأة والشجاعة، وأنا أنتجت 8 أفلام من أعمالي بسبب النقطة دي لشعوري أن المنتجين مش هيرحبوا بأفكاري، وقدمتهم كمنتج منفذ وأبيع العمل للقنوات".

تصريحات إيناس الدغيدي في برنامج “كلام الناس”

وفي وقت سابق، حلت الاعلامية ايناس الدغيدي ضيفة على برنامج “كلام الناس”، الذي تقدمه الاعلامية ياسمين عز على قناة mbc مصر، والتي فجرت به عدد من التصريحات الجريئة والمثيرة للجدل، ومنها:

- مش يتصنع الجرئة ولا تصريح يعمل قلق أنا شخصيتي كدة.

- في ناس مشاكلهم مش بتفرق معايا اوي، وملهاش معنى

- عشق عالم الرجال عن عالم الستات وعقلي كله مع الرجالة