ياسمين عز لكريستيانو رونالدو: الحلال مفيش أحلى منه وربنا يهديلك جورجينا أم العيال

وجهت الإعلامية ياسمين عز رسالة لـ كريستيانو رونالدو للمرة الثانية على التوالي وذلك خلال برنامجها كلام الناس الذي يُعرض عبر قناة أم بي سي مصر.

تحيا مصر يرصد لكم رسالة ياسمين عز لـ كريستيانو رونالدو

وقال ياسمين عز: أم كريستانو مش راضية على جورجينا وهو ميقدرش يكسر كلام أمه ويقولها يا امي غصب عنك هتجوزها وهي بتقوله يا حبيبي مش عاجبني الموضوع ده يقولها حاضر.

ياسمين عز لكريستيانو رونالدو: ربنا يصلحلكوا الحال ويهديلك جورجينا أم العيال 

وقالت ياسمين: دي دعوة للستر يا كريستيانو الحلال مفيش أحلى منه ربنا مش هيباركلك غير لما تتجوز جورجينا.

واستكملت: وميسي بعد ما أتجوز ربنا باركله في حياته وبيكسر الارقام القياسية والأستقرار بيفرق جدًا،  يا كريستيانو البنت والنبي خلي بالك منها وربنا يصلحلكوا الحال ويهديلك جوروجينا أم العيال.

ياسمين عز توجه رسالة لمروجي شائعة إيقاف برنامجها

ووجهت رسالة لمروجي شائعة إيقاف برنامجها وقالت: رجالة كتير دافعوا عني واللي دافع عني ده جوزك واخوكي وابوكي اللي دافع عني وميعرفنيش تخيلي النخوة والشهامة ده مش تحطيه في عينك ده تشيليه على الرموش والاهداب فوق العين وجوا العيون لو مش بتقدروا على غيابنا هنكلم الإدارة نزود عدد الإيام وهجيكلوا 7 ايام على رموش عيني، لما تبقوا عايزين تتسلوا نتسلى مع بعض ليه بتيجوا في ايام الاجازة تتسلوا لوحدكوا.

رسالة ياسمين عز لـ كريستيانو رونالدو

ولك تكن المرة الأولى التي توجه فيها ياسمين عز رسالة لكريستيانو رونالدو حيث سبق وقالت في حلقة يوم الأحد الماضي: رسالتي بقى المرة دي لكريستيانو رونالدو أنا عارفة إنه بيتابع البرنامج وبيحبنا وبيحب البرنامج والنبي يا شيخ لو ليا خاطر عندك أجبر بخاطر البنت المسكينة دي "جورجينا" واتجوزها.. وأديك شوفتها في آخر ماتش، شيلاك، ي عينها صاينة عيالك ومحافظة عليها، وبعدين عمرها ما اشتكت رغم إنك ممرمطها وراك كعب داير من مدريد لإيطاليا ومن أولد ترافورد للمدينة التعليمية بالدوحة، ويا عالم بعد كده هتروح فين وتاخدها معاك الست ما بتقولش لأ من هنا لهنا حاضر.. اتجوزها ربنا يجبر بخاطرك.. اتمني ربنا يهديك وتراجع نفسك في موضوع الجواز ده ونشوفكم إن شاء الله في الكوشة السنة الجاية، ومعاكم ولاد تانين ونفرح بيكم بإذن الله.