سهير جودة: الستات قادرين علي إدارة الحياة بشكل أفضل من الرجل

تحدثت المذيعة سهير جودة عن كفاءة الرجل والمرأة في إدارة الحياة وفي قيادة السيارات، وذلك خلال تصريحات تلفزيونية لها.

تحيا مصر يرصد تفاصيل تصريحات المذيعة سهير جودة

حيث قالت سهير جودة: "الرجالة بتقول في مصر إنهم بيخافوا من حاجتين، سواقة الستات، وسواقة العربيات الكبيرة في الطرق السريعة.

وتابعت: فيه إحصائيات تشير إلى أن السيدات هن الأكثر استقرارًا وهدوءًا في اتخاذ القرارات أثناء في قيادة السيارات من الرجل، وهن أيضًا الأقل تسرعًا في استعادة السيطرة على السيارة".

رأي سهير جودة في قيادة الرجل والمرأة

واضافت: "بس مينفعش نمشي بالعربية ببطء في الطريق وكأننا في صالون بيتنا، لأ لازم ناخد بالنا ومنعطلش الطريق.. والسيدات قادرات على إدارة الحياة بشكل أفضل من الرجل".

واستطردت: "إذا تابعنا ولد وبنت في مرحلة الجامعة، نجد إن البنت تفكيرها وتخطيطها أفضل من الولد، لأنها يكون لديها القدرة على تنفيذ أكثر من شيء في وقت واحد بنفس الدقة والتركيز، لكن عند قيادة السيارات تجد الأمر مختلفا".

وأشارت: سبب انتشار إن الست متعرفش تسوق، إن الرجل بدأ في سواقة السيارت بفترة أطول من الست، فبقى عند الرجالة ثقة زايدة، وده ممكن يكون السبب في أنهم بيعملوا حوادث كثيرة، وفكرة إن الست بتسوق أقل من الراجل ده يرجع لفرق الخبرة بينهم، وفي وصمة دايمًا على الست بسبب السواقة، ودي ممكن اللي تخليها معندهاش الثقة والجسارة اللي عند الراجل.

تصريحات سهير جودة في برنامج “الستات”

وفي وقت سابق، قالت الإعلامية سهير جودة، إن المرأة سمعية، أي تحب أن تسمع الكلام الجميل، وأن الرجل قادر على امتلاكها بتلك الكلمات الجميلة، قائلة: "سبحان الذي ينعم بنفس ما يعذ به اللي هي الكلمة، لكن في نفس الوقت بيتقال ان الست عندها حاسة سادسة، طب ازاي بتنخدع وبتقع في الشخص الغلط وبتتخان، ازاي تبقى ودانها هي نقطة ضعفها وفي نفس الوقت عندها حاسة سادسة".

وأضافت سهير في برنامجها الذي يحمل اسم الستات والمذاع عبر فضائية النهار،  قائلة: "الحاسة السادسة معروف بيها الستات دايما، لكن الحقيقة ان الحاسة السادسة موجودة عند كل الناس مش الستات بس، لكن العلم بيقول ان الانسان عنده 5 حواس، ولما كلهم يشتغلوا في نفس الوقت وبنفس القوة بتطلع  نتيجة أكثر، واللي بيفرق الست عن الرجل انها بتهتم بالتفاصيل، لكن الراجل مبيتشغلش على انه ينور الحاسة السادسة اللي عنده".