مقالتش كدا لواحدة معروفة.. شيرين رضا ترد على متنمرة بـ بلال العربي: لما تموتي عايزين حد يبلغنا

انتشر في الساعات الماضية القليلة تصريح على لسان الفنانة شيرين رضا يقول: “لما تموتي عايزين حد يبلغنا عشان نرقص”، دون الكشف عن هوية الشخص الذي توجه له تلك الرسالة.

تحيا مصر يرصد تفاصيل رد شيرين رضا على متنمرة بالمذيع بلال العربي

ولكن بعد نشر لقاء الفنانة شيرين رضا بالكامل على “أراب وود” تبين أن تلك الرسالة كانت رد على فتاة تنمرت بالمذيع بلال العربي، حيث قال بلال العربي لـ شيرين خلال لقائهما: “فقدت صديق عزيز لي وبعد 10 أيام كان فيه فرح واحدة صاحبتي وكنت هناك”.

وتابع: “فواحدة بعتتلي وقالتلي بالمناسبة أنت لما هتموت محدش هيبكي عليك عشان أنت محزنتش على صاحبك”، فردت شيرين رضا على بلال العربي قائلة: “البنت اللي قالتلك كدا بقولها أنتي يوم لما تموتي عايزين حد يبلغنا عشان نرقص”.

شيرين رضا تثير الجدل بـ تصريحاتها عن زفاف ابنتها

وسبق وأن أثارت شيرين رضا الجدل بتصريحاتها عن سبب عدم اقامة حفل زفاف لـ ابنتها، اذ قالت في تصريحات تليفزيوينة: احنا معندناش الأفراح ومش بنأمن بيها أنا عمري ما لبست فستان فرح لبست في التمثيل بس في الحقيقة لا بس كل واحد حر ويعمل اللي عايزة.

وتابعت: هي مش كده واحنا متربناش كده وانا بشوف الحفلة الكبيرة فلوسها كتير ليه هما ميستمتعوش بفلوسها وفستان الفرح غالي جدًا هي تستمتع بفلوسه هي وجوزها، وهي مش عايزة تعمل فرح وأنا عمري ما كنت بتمنى أعمل فرح.

واستكملت حديثها عن تفاصيل حفل زفاف ابنتها قائلة: لسه هنشوف بس هنعمل عشاء بسيط وهنعمل حاجة صغيرة والمهم هي وجوزها واهله واهلها يفرحوا ومش لازم نجيب الناس اللي شوفناها السنة اللي فاتت ونعزم ناس تنتقدنا.

شيرين رضا تكشف تفاصيل تعاونها مع دينا الشربيني

كما تحدثت شيرين رضا عن تفاصيل تعاونها مع الفنانة دينا الشربيني في مسلسل حدث بالفعل، وقالت شيرين رضا: مش أول مرة أحنا عملنا فيلم "كدبة كل يوم" مع بعض، أنا ودينا أصحاب من زمان، أنا كان المفروض أعمل حلقة تانية لوحدي ولما قالوا تعملي حلقة مع دينا الشربيني قولت طبعا، إحنا معندناش فرصة نقابل بعض في الحياة العادية لأن كل واحدة فينا مشغولة بأعمالها، عندنا 6 أو 7 أيام كل يوم مع بعض، قاعدين مع بعض في نفس "الكرفان" مع أن كل واحدة عندها مكان لوحدها، لكن بنغير مع بعض ونحط مكياج مع بعض وطالعين إخوات المسلسل عن قصص حقيقية، المؤلف أخذ قصص من دكاترة نفسيين في الوطن العربي وأخد منهم القصص الحقيقية المفزعة.