غادة عبد الرازق: اتمنى نعمل أفلام هادفة والستات ترجع تعمل بطولات مطلقة

كشفت الفنانة غادة عبد الرازق عن موعد طرح فيلمها الجديد، كما تمنت غادة عبد الرازق تقديم أفلام هادفة في السينما المصرية خلال الفترة المقبلة.

تحيا مصر يرصد لكم تصريحات غادة عبد الرازق

وقال غادة عبد الرازق في احدى التصريحات: اتمنى الصناعة في السينما ترجع زي زمان والستات ترجع تعمل بطولات مطلقة، وميبقاش النجومية محددة  في أن البطل يبقى قدامه بطلة وحابة الأفلام يتعمل فيها نجوم كتير.

غادة عبد الرازق: اتمنى نعمل أفلام هادفة

وتابعت: أتمنى نعمل أفلام هادفة زي باب الحديد وجعلوني مجرمصا، ويبقى ليها هدق ومسلية في نفس الوقت، والجمهور ميبقاش حاسس أنهم بيتفرجوا على حاجة تديهم معلومة غصب عنهم.

وأضافت: أنا عايزة نرجع نعمل أفلام زي الأبيض والأسود، لأنها مبقتش موجودة في الوقت الحالي.

غادة عبد الرازق تكشف موعد عرض فيلمها 

وكشفت غادة أنها انتهت من تصوير فيلمها الجديد جوازة بالعافية الذي يدور في أطار كوميدي ووكشف غادة أنه سيتم طرحه في إجازة نصف العام وقالت: لسه مخلصة فيلم كوميديا وهينزل في اجازة نص السنة وانا بقالي كتير معملتش كوميدي وكان معايا كوميدينات كتير وكنت بخاف معرفش اقول الإفيه أو يبقى دمي تقيل لأني بعيدة عن الكوميديا بقالي كتير بس كانوا بيشجعوني في التصوير.

غادة عبد الرازق: أنا خجولة جدًا

وكشفت غادة أنها خجولة ولا تحب الظهور أمام الكاميرا بشكل مستمر وقالت: أنا مش بعرف أقف قدام الكاميرا غير وأنا بمثل ومش بحب الظهور كتير الناس بتفتكر إني مش خجولة، بس أنا خجولة جدًا وساعات لما ببقى ضيفة في البرامج ببقى حادة في كلامي وطريقتي وده بيضايقني  جدًا ومش بيعجبني وبفضل أني اظهر قدام الكاميرا في الشغل بس.

وتحدثت عن المسلسلات التي تدعم المرأة وقالت: الجمهور بيتفاعل مع المسلسلات من النوع ده بس لما كنت بعمل مسلسلات شوية بتتكلم عن المرأة وباخد حقي الجمهور متقبلش مني، الجمهور بيحس أنه اتخدع أو الممثل ضحك عليه، لكن كل اللي حابة أوضحة أن النقاد زقوني لكده وقالولي انتي مش هتفضلي تطلعي في كل المسلسلات بتاخدي حقك والنس كلها تحبك، هما وجهوني غصب عني أعمل حاجة تانية واللي بعمله مبقاش يعجب الجمهور ومقبلهوش، ووقتها أنا فقدت حاجتين مهمين جدًا وهما حب الجمهور والنقاد والأهم بالنسبالي حب الجمهور.