غادة عبد الرازق: أنا خجولة والجمهور متقبلش مني الأعمال اللي بتدافع عن المرأة

كشفت الفنانة غادة عبد الرازق أنها لا تفضل الظهور في الإعلام بشكل دائم، كما تحدثت غادة عن رأيها في الأعمال التي تساند المرأة.

تحيا مصر يرصد لكم تصريحات غادة عبد الرازق

وقالت غادة عبد الرازق في احدى التصريحات: أنا مش بعرف أقف قدام الكاميرا غير وأنا بمثل ومش بحب الظهور كتير.

وتابعت: الناس بتفتكر إني مش خجولة، بس أنا خجولة جدًا وساعات لما ببقى ضيفة في البرامج ببقى حادة في كلامي وطريقتي وده بيضايقني  جدًا ومش بيعجبني وبفضل أني اظهر قدام الكاميرا في الشغل بس.

غادة عبد الرازق: الجمهور متقبلش مني الأعمال اللي بتدعم المرأة

وتحدثت عن المسلسلات التي تدعم المرأة وقالت: الجمهور بيتفاعل مع المسلسلات من النوع ده بس لما كنت بعمل مسلسلات شوية بتتكلم عن المرأة وباخد حقي الجمهور متقبلش مني.

وتابعت: الجمهور بيحس أنه اتخدع أو الممثل ضحك عليه، لكن كل اللي حابة أوضحة أن النقاد زقوني لكده وقالولي انتي مش هتفضلي تطلعي في كل المسلسلات بتاخدي حقك والنس كلها تحبك.

وأضافت: هما وجهوني غصب عني أعمل حاجة تانية واللي بعمله مبقاش يعجب الجمهور ومقبلهوش، ووقتها أنا فقدت حاجتين مهمين جدًا وهما حب الجمهور والنقاد والأهم بالنسبالي حب الجمهور.

غادة عبد الرازق تغيب عن السباق الرمضاني لهذا السبب

وكشفت غادة في احدى لقائتها أنها لن تشارك في السباق الرمضاني الموسم المقبل لعدة أسباب لأنها ستكون لها حسابات كثيرة لشخصيتها سينمائيًا وبشكل شخصي موضحة أن دراما رمضان 2024 ستكون مختلفة تمامًا.

وتابعت: الست بتواجه تحديات كتير في السينما المصرية، وبيدوهم مساحة أقل في الأعمال ومش بيحبوا يكرروا التجربة، ولو في فيلم جايب إيرادات قليلة مش بيحبوا يجازفوا تاني وبيشوفوا أن البطل هو السبب وهو اللي مجذبش الجمهور بس ممكن يكون في عناصر تانية السبب اللي مجذبتش الجمهور زي السيناريو أو التصوير أو اي حاجة تانية مش لازم الفنان.

غادة عبد الرازق:  أنا مبقتش متهورة ومتسرعة زي الأول

وأضافت: أنا اتغيرت جدًا الفترة الأخيرة ومبقتش أخد الحاجة على نفسي وبفكر في الحاجة اللي تنفعني وتنفه جوزي وبنتي وأحفادي والتيم بتاعي في الشغل، أنا مبقتش متهورة ومتسرعة زي الأول وبقيت أسمع الكلام ومبسوطة إني عرفت أحجم حاجات كتير في شخصيتي.

وكشفت غادة أن المرآة تحتاج من يدعمها ويحبها في كل الأوقات وقالت: الست محتاجة اللي يحبها ويدعمها ويفهم افكارها ولو افكارها غريبة يستحملها لغاية ما يغير افكارها ومنقفلهاش على الوحدة، وأنا شابفة أن لو الست مش موجودة  مكنش هيبقى في كون ولازم الرجالة يتقبلونا زي ما احنا كده.