غادة عبد الرازق: مبقتش متهورة زي زمان ومش هشارك في رمضان المقبل لهذا السبب

كشفت الفنانة غادة عبد الرازق عن سبب غيابها عن السباق الرمضاني الفترة المقبل، كما تحدثت عن الدور المهم للمرأة، والتحديات التي تواجه المرآة في السينما.

تحيا مصر يرصد لكم تصريحات غادة عبد الرازق

وكشفت غادة في احدى لقائتها أنها لن تشارك في السباق الرمضاني الموسم المقبل لعدة أسباب وقالت: مش هشارك في السباق الرمضاني لأني عندي حسابات كتير لغادة أولا سينمائيًا وثانيًا شخصيًا، وأنا متأكدة أن شاشة رمضان هتختلف السنة الجاية 2024.

وتابعت: الست بتواجه تحديات كتير في السينما المصرية، وبيدوهم مساحة أقل في الأعمال ومش بيحبوا يكرروا التجربة.

وتابعت: لو في فيلم جايب إيرادات قليلة مش بيحبوا يجازفوا تاني وبيشوفوا أن البطل هو السبب وهو اللي مجذبش الجمهور بس ممكن يكون في عناصر تانية السبب اللي مجذبتش الجمهور زي السيناريو أو التصوير أو اي حاجة تانية مش لازم الفنان. 

غادة عبد الرازق: أنا أتغيرت ومبقتش متهورة زي زمان

وكشفت: أنا اتغيرت جدًا الفترة الأخيرة ومبقتش أخد الحاجة على نفسي ووبفكر في الحاجة اللي تنفعني وتنفه جوزي وبنتي وأحفادي والتيم بتاعي في الشغل.

وأضافت: أنا مبقتش متهورة ومتسرعة زي الأول وبقيت أسمع الكلام ومبسوطة إني عرفت أحجم حاجات كتير في شخصيتي.

غادة عبد الرازق: أنا طيبة بس عصبية

واستكملت: وأنا صغيرة كنت لطفية وشقية ومرحة ولذلذة وعندي طموح وصلني للي انا فيه دولقتي وأنا صاحبة صاحبي وطيبة بس عصبية جدًا.

وكشفت غادة أن المرآة تحتاج من يدعمها ويحبها في كل الأوقات وقالت: الست محتاجة اللي يحبها ويدعمها ويفهم افكارها ولو افكارها غريبة يستحملها لغاية ما يغير افكارها ومنقفلهاش على الوحدة، وأنا شابفة أن لو الست مش موجودة  مكنش هيبقى في كون ولازم الرجالة يتقبلونا زي ما احنا كده.

فيلم جوازة بالعافية

ومن جانب آخر تواصل الفنانة غادة عبد الرازق تصوير فيلمها الجديد جوازة بالعافية، ووتعود غادة إلى السينما بعد غياب دام 4 سنوات عن السينما، ويشارك في فيلم جوازة بالعافية عدد كبير من نجوم الفن ومنهم أحمد آدم، ثراء جبيل، بيومي فؤاد، وعدد كبير من الفنانين، وتدور أحداث الفيلم في إطار كوميدي اجتماعي، حول شخصية غادة عبد الرازق في الأحداث، التي يتصارع على قلبها أكثر من رجل، سواء شخصية زيكو التي يجسدها أحمد أدم، أو شخصية بيبو التي يجسدها بيومي فؤاد، وهو ما يتسبب في حدوث العديد من المواقف الكوميدية بينهم، لكن في نهاية الأحداث سيفوز بقلبها زيكو.