حلاق الغلابة.. إبراهيم يحلق للمشردين ببلاش و«تي شيرت» هدية

"حلاق الغلابة".. لقب اكتسبه إبراهيم ابن محافظة الإسماعيلية، من وراء أفعال الخير التي يقوم به تجاه بعض المحتاجين والمشردين في الشوارع الذين ربما لم يترددوا لسنوات على صالونات الحلاقة.

لاقت فكرة إبراهيم، التي بدأها قبل 3 أسابيع، قبولًا كبيرًا لدى أبناء الإسماعيلية، وأخذت سيرته الحسنة تترددعلى ألسنة سكان المنطقة التي يتجول فيها إبارهيم ليقوم بالحلاقة لهؤلاء المتجولين بالشوارع.

استغل إبراهيم إجازته الأسبوعة "يوم الإثنين" للقيام بهذا العمل الخيري، وهو ليس الوحيد، فابن الإسماعيلية لم يكتفي بالحلاقة المجانية فقط، وإنما يقوم بتوزيع هدايا عليهم ممثلة في "تي شيرت" ليدخل الفرحة والابتسامة على وجوههم.

وحرص موقع تحيا مصر على إجرء مقابلة مع إبارهيم حلاق الغلابة، ليحكي تفاصيل فكرته، يقول إبراهيم: "عندي 24 سنة من ضواحي إسمايعيلية.. والفكرة كانت في دماغي من بدري وصاحبي عرضها عليا بعد كده وشجعني، ففكرت أشوف المكان اللي هنزل فيه".

حلاق الغلابة.. إبراهيم يحلق للمشردين ببلاش و«تي شيرت» هدية

وتابع: "قررت أنزل محطة الإسماعلية.. وهي مكان في مجموعة من المشردين والغلابة.. وبقالي 3 أسابيع بقوم بهذا العمل.. وسعيد جدا بلقب حلاق الغلابة".

وأضاف: "لقيت يوم الإثنين مش بشتغل وقاعد مش بعمل حاجه.. فقولت أعمل حاجه لله.. وألم الناس الغلابة وأحلقلهم... الناس بقيت مبسوطة مني جدًا وبتيجي تسلم عليا.. وأنا بعمل كده لله ومش باخد حاجه من حد".

وأردف: "بحلق للزبون كل حاجه هو عايزها مش علشان بحلق ببلاش أهمشه.. لأ.. بعمله اللي هو عايزه حمام كريم و"ماسك" .. الخ.. وكمان بوفرلهم العناية الصحية الكاملة".

واستطرد: "معظم الناس اللي هنا غلابة ومش من الإسماعيلية أصلا، دول من ممحافظات اظفات الصعيد وجايين ياكلوا عيش، علشان كده قررت أساعدهم".

اختتم: "مجهزلهم كمان هدية.. وبديلهم تي شيرتات لأولادهم كعمل خير يدخل عليهم وعلى أولادهم الفرحة".