أديب: محدش ياكل لحمة تاني.. فيديو

غضب الإعلامي عمرو أديب، مما وصفه بتدهور جودة السلع رغم ارتفاع أسعارها، قائلا: "أنا بحيي كل ست تقف في السوبر ماركت وترجع البضاعة اللي مش جيدة".

تحيا مصر

وأضاف أديب، خلال حلقة اليوم من برنامجه "الحكاية" المذاع عبر فضائية "إم بي سي مصر"، مخاطبا المواطنين،:" كل مواطن لازم ياخد حقه، خلاص الناس مش مستحملين ياخدوا جودة مش كويسة، كفاية ارتفاع الأسعار".

أديب: كدا هنغرق كلنا

وتابع:"اشتري حقه يدور على مكان أرخص يشتري منه ومش من حقك كتاجر تعاقبه اقتصاديا بسلع غير جيدة ، معقبا:"سعر البترول بينزل الدنيا مش هتفضل كده، إذا كان سعر البترول بيقل يبقا وارد كل حاجة سعرها يقل".

وواصل حديثه:" الناس خلاص مش مستحملة ، ومفيش طاقة إنك تضغط تاني على الناس، خلاص كلنا في مركب واحدة واللي هيعمل خرم في المركب هنغرق كلنا".

ووجه أديب رسالة شديدة اللجهة للتجار المحتكرين :"متكسروش السوق، ما أنتم ياما كسبتم، تعالو معانا شوية، لازم الوضع دا يتحسن مش هنفضل كدا كتير".

وأكمل:"للأسف  في محلات ومطاعم قررت تصغَّر كل حاجة عندها للنص، معقبا: " الناس قللت استخدامها من اللحوم، هتعمل إيه تاني، مينفعش يوم ما بجيب لحمة ألاقيها وحشة وما تتاكلش، خلاص بقى محدش ياكل لحمة تاني".

وأردف:" المواطن يشتري كرتونة البيض يلاقي فيهل بيض بايظ.. و بيض صغير ، بتجيبوا البيض الصغير دا منين وبتعرضوه ليه للناس وزوتوا الأسعار ليه ومفيش جودة".

أديب: اللي جاي دمه مش خفيف

وفي وقت سابق، علق الإعلامي عمرو أديب، على استحواذ شركة "فوادكوم" على 55% من فودافون مصر، قائلا: " شركة "فوادكوم" على 55% من فودافون مصر ولا حد فتح بقه، لكن لو حد من اخواتنا العرب اشترها كلنا كنا هنصوت".

وأضاف أديب، خلال  حلقة اليوم من برنامج "الحكاية" المذاع عبر فضائية "إم بي سي مصر"، :" في دول برة باعوا جز من البورصة مش شركات، معقبا:" المواطن المصري هو المواطن الوحيد اللي دايما حاسس ليه كده وديما بيشتكي من أقل إجراء".

وتابع مخاطبا المصريين، :"الموضوع مش سهل، ومفيش حل ملوش آثار جانبية، ، لازم نصبر لحد ما ربنا يكرمنا ونعديالأيام اللي جاية عشان دمها مش خفيف".