رامي عياش: كنت بقلد عبد الحليم حافظ لما لبست خليجي وفهمت جبروت صوت أم كلثوم لما كبرت

تحدث رامي عياش عن كواليس أغنيته حبيتك انا ،  كما كشف عن سبب ارتادئه الزي الخليجي في أحدى جلسات الغناء.

تحيا مصر يرصد لكم تصريحات رامي عياش

وقال رامي عياش خلال استضافته في برنامج انغام التي تقدمه الفنانة أنغام ويعرض عبر قناة دي ام سي: جو ماري كل نجاح الأغاني بتاعتي كانت بسببه اشتغلنا سوا كتير سواء باللحن او التوزيع و عملنا توليفة كبيرة وكنا بنخطط  للنجاح.

رامي عياش: أغنية حبيتك أنا كانت كبيرة على سني

وأضاف: جون ماري كان عامل جملة موسيقية مختلفه في أغنية حبيتك أنا والمفروض كانت لحد أكبر مني في الموسيقى وقعدنا على الباينو وفضلنا نخطط كتير وطلعت التوليفة وكانت مخاطرة بالنسبة لعمري اني اغني هذه النوع من الموسيقى ودي كانت خطوة لازم اعملها وكل فنان لازم يكون في شئ ثابت في حياته بيفتخر بيه.

وكشف رامي انه يحب الاوبرا بشكل كبير وقال: اتعلمت الاوبرا لوحدي وكان معايا تيم ونتمرن مع بعض وحبيت الاوبرا والصورت الاوبرالي مش بستعمله في كل غنايا بس لما بكون قادر اعمل كده بغني .

رامي عياش: لبست خليجي زي عبد الحليم

وقال رامي أنه كان في جلسة غناء خليجية عام1997  وقام بارتداء الزي الخليجي، وقال: لما شوفت عبد الحليم لبس خليجي أنا قلدته ولبست أنا كمان، وده بيبقى تكريم للخليج وكانت شخصية غريبة لشخص لبناني.

ونصح زملائه عدم استهلاك اصواتهم في أي شئ وقال: يجب عدم استهلاك الصوت والناس فاكرة انهم لما بيغنوا في الملاهي الليلة والافراح كده غلط ولازم يحافظوا عليه ويطلع في الوقت المناسب.

وأشاد عياش برنامج أنغام قائلًا أنه يجب أن يصنف أنه برنامج ثقافي نظرًا للمعلومات الكثيرة التي تسأل عنها أنغام وقال: انتي بتشجعي الفن وطريقتك مميزة وبتقدمي رسالة حلوة من خلال برنامجك.
وكشف: أنا بحب عبد الوهاب جدا وجمع بين الشرقي والغربي في اغانيه وفي الوقت ده مفيش حد يقدر يعمل وكان انسان عبرقي زمانه واتربينا على الفن ده.

واستكمل: اتربينا على النوع ده من الموسيقى وكلنا متفقين ان دي افضل موسيقى، المجتمع الحالي بعضهم بيذاكروا وفي تغير كبير.

وتابع: المجتمع كان متفق ان الفن لازم يكون كبير بس حاليا بيتفقوا ان الفن خفيف واللي هيكبر مش عارفين هيكبروا عن المدرسة دي ولا بس اعتقد مستحيل.

رامي عياش: فهمت جبروت صوت أم كلثوم لما كبرت

وتحدث عن أم كلثوم وقال: السيدة أم كلثوم سمعتها وانا صغير واتعلمت كل الاغاني وفهمتها عن كبر وكنت بعيد كل حاجه امي بتغنيها وسمعتها وحفظتها فهمت جبروت صوتها وده حاجه ربنا خالقها ولما فهمتها حبيتها اكتر.

وتابع: انا صوتي رجالي وبيميل للصوت الرجالي اكتر وهي علمت مدارس نسائية كتير وفنانات حاولوا يقلدوا ام كلثوم واحترامي ليها كبير جدا ومدرسة ام كلثوم كنت بلجألها في كل حاجه .

وأضاف: انا بسمع الرحابني وصوت وديع وكل موسيقي الكلاسيكية ومش بحط أف أم انا بسمع كل حاجه كلاسيك وانا بسمع موسيقى باحته وقليل لما بسمع غنا.