الجندي: دي الوزارة الوحيدة اللي برسم عليها.. فيديو

وجه الشيخ خالد الجندي، عضو المجلس الأعلى للشئون الإسلامية، رسالة شديدة اللهجة، لمهاجمي انجازات الدولة من الجماعات المتطرفة، قائلا:"الجماعة المضللين اللي بيضللوا الناس بقول لهم، يا مضللين ياللي بتضللوا الناس قولوا كلمة حق في حق المسؤالين".

تحيا مصر

وأضاف الجندي، خلال حلقة اليوم من برنامجه" لعلهم يفقهون" المذاع عبر فضائية " دي إم سي":"المسؤولين بشر زينا وليهم حق حلينا لما يعملوا انجازات نشد على إيديهم".

الجندي: المسؤولين ليهم حق علينا

وتابع:"لازم نشجع المسؤولين لما يعملوا معروف فينا ولازم ندعيلهم عشان يستمروا في إنجازاتهم، معقبا: لما نقولك ادعي لرئيس الجمهورية أنت بتدعي لقائد المركبة ولما تدعي لقائد المركبة أنت بتدعي لكل الركاب اللي موجودين في الأتوبيس".

وواصل:"لما تلاقي الحاج سليط بتاع البطاطا بيقول رأيه في سعر الدولار والموازنة والمزارع السمكية، يبقى لازم نقول عليه العوض ومنه العوض يبقى مفيش أمانة في الكلمة".

وأكمل:"لما بنقول الحقيقة بيهاجمونا ويقولوا أنتوا بتطبلوا ، يا جماعة التطبيل بقى موضة قديمة، وأنا شخصيا مينفعش أطبل لحد لأني مأنفعش لأي منصب وزراي ولا أي منصب تاني ، معقبا:" أنا الوزارة الوحيدة اللي برسم عليها هي القبر".

وأردف:"ربنا يكون في عون الوزراء دول في هم ما يتلم، معقبا:" في عهد الرئيس السيسي، مفيش مسؤول بيعرف ينام ويتغطى، أو يعمل نفسه مطنش أو مش واخد باله، مختتما الحمد لله الذي عافانا بما اختبر به غيرنا من الوزراء، وياريت متسمعوش لشيوخ الغل".

الجندي:مبروك علينا رئيس مجتهد ونشيط ومكافح

وفي وقت سابق، قدم  خالد الجندي، عضو المجلس الأعلى للشؤون الإسلامية، رسالة شكر للرئيس عبدالفتاح السيسي، بمناسبة افتتاحه مدينة المنصورة الجديدة، قائلا:"ألف مبروك علينا وعلى بلدنا رئيس سهران وتعبان وشقيان 24 ساعة عشان خاطرنا، شكرا ليك يا ريس".

وواصل الجندي، خلال برنامجه "لعلهم يفقهون" المذاع عبر فضائية "دي إم سي"، رسالته للرئيس بالقول:"مبروك علينا رئيس مجتهد ونشيط ومكافح ومبيضيعش وقت، رئيس تعبان عشان بلدنا، وسهران على مصالحنا ، إحنا محظوظين بيك يا ريس".

وأضاف:"إحنا مبنشوفش المشروعات إلا وهي بتتفتح، معندناش حاجة اسمها وضع سيادته حجر الأساس، ولا حط الأسمنت والطوب وبعدين خد بعضه ومشي و قال سلام عليكم و يا مولاوي كما خلقتني".