ريهام داخل محكمة الأسرة : جوزي غلط مع مراة بواب عمارتنا وبقت حامل منه

" أترمينا في الشارع بسبب عملة جوزي ومش لاقيين مكان نقعد فيه " بتلك الكلمات روت ريهام لتحيا مصر من داخل محكمة الأسرة عن زوجها الذي اخطأ مع زوجة حارس العقار وحملها منه كما أشتكت أيضا من إدمانه المواد المخدرة وسيطرة الشهوة الجنسية علي أفكاره والتي جعلته يخونها مرارا وتكرارا حتي قررت الأنفصال عنه .

تحيا مصر 

جوزي مش بيسيب واحدة ست غير لما يحاول معاها

بدأت الزوجة حديثها لتحيا مصر:" جوزي بيحب الستات ومش بيشبع منهم أتجوزته من 4 سنين وعندي منه ولدين هو بيقف يبيع في محل أحذية وشنط حريمي وبيشرب كل أنواع المخدرات وده بيخلي شهوته الجنسية عالية جدا وكان دايما يخونني مع القريب والغريب في الأول كنت بتجرح وأتعب من صدمة أنه راح لواحدة ست غيري لكن بعد كدة خدت علي الموضوع ومبقيتش أحس بحاجة وبقيت أسكت وأستحمل عشان خاطر عيالي ميتحرموش من أبوهم وهما في سن زي ده .

غلط مع مراة بواب العمارة وهي دلوقتي حامل 

وتابعت ريهام حديثها :" جوزي عمل الحرام مع مراة بواب العمارة وهما يبقوا ناس غلابة وعلي قد حالهم وجوزي في مرة كان شارب وهي أحلوت في عينه راح أستني الوقت اللي كنت سايباله البيت فيه وغضبانة عند أهلي وقالها تشتريله طلبات وتطلعهاله لحد باب البيت وهي بالفعل جابتله الطلبات ولما طلعت قالها " أدخلي عشان هديلك شوية خضار ني وفراخ تعمليهملي عشان مراتي مش موجودة وهديلك حسابهم " راحت لما دخلت أعتدي عليها وهي مفلتتش من أيده غير بعد ساعتين وهي من غلبها خافت تقول لجوزها أحسن يعمل فيها حاجة لحد ما عدا شوية وقت وعرفت أنها حامل وراحت أعترفت لجوزها بكل اللي حصل معاها أحسن تولد الطفل وجوزها يعرف أنه مش أبنه ".

أترمينا في الشارع ومش لاقيين مكان نروحه أنا وعيالي

وأختتمت هاجر حديثها :" في مرة كنا نايمين وصحينا علي صوت بواب العمارة وهو بيكسر علينا باب الشقة ودخل هو و4 رجالة تانيين نزلوا في جوزي ضرب لحد ما كان هيموت في أيدهم وخدوني انا وعيالي طلعونا برة الشقة حتي من غير ما نلم هدومنا وحاجاتنا وكل التفاصيل دي أنا عرفتها من مراته لما روحت وسألتها أية اللي حصل لده كله ولية جوزها يتهجم علي جوزي بالشكل ده أنا رجعت علي بيت أهلي وجوزي لحد دلوقتي هما واخدينه ورافعين عليه محاضر قررت أجي المحكمة عشان أخلعه عشان مش قادرة أبقي علي ذمته لحظة واحدة من النهاردة بسبب عمايله أترمينا في الشارع بسببه ومعرفش مستقبلي ومستقبل عيالي هيبقي شكله أيه ربنا ينتقم منه دنيا وأخرة ".