خاص| دايموند بن عبود: بشوف نفسي في هاني عادل وبشجع فكرة المنصات لأن قصتها حلوة

كشفت الفنانة دايموند بن عبود عن رأيها في المنصات الإلكترونية، كما تحدثت عن علاقتها بزوجها الفنان هاني عادل.

تحيا مصر يرصد لكم تصريحات دايموند بن عبود

وقالت دايموند في تصريح خاص لموقع تحيا مصر: في حاجات كتير حلوة بتحصل في المنصات الإلكترونية، وأنا بشجع الفكرة دي وأن يبقى في انتاجات كتير وتطلع على المنصات.

وأضافت: بنشوف قصص حلوة جدًا ومعمولة بشكل كويس ونضيف والقصة والسيناريو والتمثيل والإخراج والصورة والموسيقى كل العناصر بتكون جيدة  ومش بيبقى في تطويل وبيتم تقديم شغل جديد.

دايموند بن عبود: المنصات الإلكترونية صعب أنها تلغي التليفزيون

وتابعت:في العصر الحالي الجمهور أكتر حاجة بيتابع المنصات والسوشيال ميديا أكتر من التليفزيون رغم إني شايفة أن التليفزيون مميز وبيجمع العيلة بس مش حاسه أن المنصات ممكن تلغيه في يوم بس شكل الحياة بيتغير.

دايموند بن عبود: هاني عادل بيعمل أغاني بتعبر عن احساسه

وعن زوجها هاني عادل قالت: هاني عادل بيعمل أغاني حلوة وبتحكي عن الإنسان وعن احاسيسه وابعاده الإنسانية.
واستكملت: هاني فنان شاطر جدًا وحساس ومحترم وأنا بشوف نفسي فيه.

دايموند تكشف عن شخصيتها بفيلم حسن المصري

كما كشفت دايموند عن شخصيتها في فيلم حسن المصري وقالت: خلصت تصوير فيلم حسن المصري بطولة أحمد حاتم انتاج افلام مصر العلمية واخراج سمير حبشي وجزء كبير اتصور في لبنان وجزء اتصور في مصر، هعمل شخصية اسمها جويل وهي عندها شركة تأمين وصديقة لـ حسن "احمد حاتم " من زمان وكانت عايشة في مصر وراحت لبنان ورجعت لمصر لما حصل حادثة لحسن وهتساعده في الفيلم وهتكون معاه.

وكشفت دايموند أنها انتهت من تصوير فيلم لبناني يأتي باسم أرزة وقالت: صورت مشاهدي في فيلم أرزة اللبناني وهو من إخراج ميرا شعير وانتاج علي العربي، والفيلم بيحكي عن شخصية اسمها ارزة وهي أم لبنانية مناضلة بتهتم بابنها واختها وبنمشي معاها في قصتها ببيروت وهينزل أول السنة الجديدة.

وشاركت الفنانة دايموند بن عبود في لجنة التحكيم في الأفلام الروائية القصيرة وذلك في مهرجان القاهرة للسنيما الفرنكوفونية وذلك في دورته الثانية التي اقيمت في دار الأوبرا المصرية