زوج داخل محكمة الأسرة: جيبت مراتي من شقة مشبوهة وبتقولي صاحبة الشقة دي جارتي وبحب أقعد معاها

" مراتي بتسيب بنتها اللي عندها 5 سنين لوحدها في الشقة وبتروح شقق مش كويسة " بتلك الكلمات روي زوج داخل محكمة الأسرة لتحيا مصر عن زوجته التي تهمل أبنتها الصغرى لتخرج مع رفيقاتها وترفه عن نفسها في أماكن سيئة السمعة .

تحيا مصر 

مراتي عايزة تخلعني عشان بضربها وهي اللي كانت غلطانة 

بدأ الزوج حديثه لتحيا مصر :" أنا ومراتي متجوزين من 6 سنين وعندنا بنت عندها 5 سنين أول ما أتجوزت مراتي كنت عارف أنها بتحب الخروج والسهر وملهاش في روتين وقعدة البيت بس كنت بقول لنفسي أنها بعد ما تبقي أم كل ده هيتغير لكن اللي حصل أنها بعد الجواز وبعد ما بنتنا كبرت أنها بقيت بتعمل تصرفات كتير مش كويسة من ضمنها أنها عايزة تخرج وتنبسط علي حساب مسؤولية البيت ومسؤولية البنت فكانت تخرج مع صاحباتها بالساعات في غيابي وتاخد البنت معاها وتبهدلها وده كان بيخليني أخرج عن شعوري وكنت أحيانا أمد أيدي عليها وأضربها عشان اأدبها لحد ما لقيتها راحت رفعت عليا دعوي خلع وبتقول للناس أني حابسها وبضربها طول الوقت ومش راضية تعترف بغلطها وأستهتارها ".

كانت بتاخد البنت معاها علي القهاوي وتخنقها بريحة الشيشة والدخان 

وتابع الزوج :" في مرة كنت في الشغل ولقيت مراتي بتتصل بيا وتقولي أنا هنزل عند واحدة صاحبتي شوية فكنت بقولها متتأخريش عندها وخلي بالك من البنت أتفاجئ أني أرجع من الشغل الساعة 10 و11 بليل وهي تكون لسة مجيتش وكمان متردش علي تليفونها ولما ترجع واسألها " اتأخرتي لية وأزاي أكلمك مترديش ؟" تقولي " الطريق كان زحمة وأخرنا ومسمعتش التليفون " وفي اليوم ده وهي بتغير للبنت كانت ريحتهم كلها دخان زي ما تكون ريحة شيشة أو سجاير ولما سألتها " أية ده ؟ " قالتلي " دي تلاقيها ريحة السجاير بتاعة السواق اللي ركبنا معاه " لحد ما في مرة اتصل بيا صديق قديم ليا وقالي أنه بيشوف مراتي وبنتي في " الكافية " اللي كنا بنقعد فيه انا وهو وصحابنا الباقيين وأنه كان بيستغرب أني مش ببقي قاعد  معاهم وأني أزاي سايب مراتي تشيش وسط الناس كدة أتصدمت من كلامه ورتبت كل الأحداث اللي كانت في دماغي ومسكت مراتي يومها أديتها علقة موت وخدت منها البنت ووديتها عند بيت أهلها لحد ما هي أستسمحتني أنها ترجع بيتها وأنها مش هتعمل كدة تاني وأنا سامحتها في المرة دي ".

طلعتها من شقة مشبوهة وبتقولي صاحبة الشقة جارتي وبحب أقعد معاها 

وأختتم حديثه :" بعد ما رجعت مراتي بيتها منعت خروجها في أي حتي تاني وألزمتها أنها تفضل في البيت عشان تبقي جنب البنت وترعاها لحد في مرة حصل اللي أتسبب في نهاية العلاقة بيننا ودمارها رجعت ساعتين بدري من الشغل قبل ميعادي ولقيتها مش موجودة وسايبة البنت في البيت بتعيط وتصرخ وسايبة كمان تليفونها في البيت وبالتالي معرفتش أوصلها فأضطريت أنزل اسأل عليها بواب العمارة يمكن تكون نزلت تشتري حاجة وجاية لقيته بيقولي " مراتك مخرجتش من العمارة دي قاعدة في شقة مدام سحر من بدري " ومدام سحر دي فاتحة شقتها للستات والرجالة يروحوا يتبسطوا عندها جريت علي شقتها وفضلت أخبط عليها ولقيت مراتي جوا فعلا وقاعدة معاها خدتها فورا عشان نطلع علي شقتنا ووقتها كسرت عضمها كله من الضرب أنها تروح شقة واحدة زي دي وتسيب بنتها لوحدها بالساعات كل ده شوفته منها وفي الأخر رايحة هي اللي عايزة تخلعني بس أنا هرضي بأي حاجة لمجرد أني بس أخلص وأرتاح منها بقية عمري كله ".