خاص|خالد الصاوي: محتاجين كل جهد عشان اسم مصر يفضل موجود.. وأتمنى نعمل جزء تاني من مسلسل أعمل إيه

تحدث الفنان خالد الصاوي عن مشاركته كعضو لجنة تحكيم في مهرجان  القاهرة للسينما الفرنكوفونية في دورته الثانية والذي افتتح في يوم 28 ديمسبر الماضي بدار الأوبرا المصرية.

تحيا مصر يرصد لكم تصريحات الفنان خالد الصاوي

وقال خالد الصاوي لموقع تحيا مصر: في الوقت  اللي احنا فيه اي شخص هيقدر يقدم حاجه تخدم البلد  يعمل كده.

وتابع: واحنا عارفين أن في سفينة ماشية واحنا عايزين نمشيها، طالما مفيش اي حاجه تمنعني اني اشارك في حاجة تخدم البلد أكيد هعمل كده عن طيب خاطر.

خالد الصاوي: محتاجين كل الجهد عشان اسم مصر يفضل موجود 

وأضاف: أحنا محتاجين كل الجهد عشان اسم مصر يفضل موجود وهو موجود بحاجات واقعية تجمع الناس من بلاد مختلفه وتقولهم انا قادر اقف على رجلي واقدم تجارب واحتضن تجارب وده هيفدنا قدام.

وعن المعايير التي يضعها من أجل اختيار الأفلام قال: كل مهرجان بيبقى عنده معايير خاصة وعلى حسب كل مهرجان، زي المراة  أكيد اللي هيبقى مهم جدًا والقواعد اللي موجودة في الأفلام زي منع العنف عن المرأة  ومش  هنقبل فيلم يقول اكسرلها ضلع مستحيل، وفي نفس الوقت لو انت مقتنع بده مش هتروح  مهرجان تاني، وأحنا بنختار الناس اللي شبهنا وهنشوف هنقدر نعمل ايه.

وعن امكانية عمل جزء ثاني من مسلسل أعمل إيه الذي حقق نجاحًا كبيرًا، قال الصاوي: اتمنى يبقى في جزء تاني من مسلسل اعمل ايه ده قرار انتاجي لسه.

مسلسل اعمل إيه

مسلسل أعمل إيه من بطولة هناء الشوربجي، طارق عبد العزيز، محمد مهران، خالد الصاوي، صابرين، ندى بسيوني، والعمل من إخراج أحمد عبد الحميد، ويتكون المسلسل من 45 حلقة وتدور قصة العمل حول مشاكل 4 بنات ولكل منهن قصة ورواية مختلفة، منهن من تقع في فخ الحب المزيف، ومنهن من تقع في ألاعيب بعض رجال الأعمال، وغيرها من القصص الحقيقية التي نجدها في المجتمع بكثرة.

الدورة الثانية من مهرجان القاهرة للسينما الفرنكوفونية

وكانت قد انطلقت فعاليات الدورة الثانية من مهرجان القاهرة للسينما الفرنكوفونية في المسرح الصغير بدار الأوبرا المصرية، وكانت اللجنة الإستشارية العليا للدورة الثانية من المهرجان القاهرة للسينما الفرنكوفونية قد إختارت النجمة درة زروق لتكريمها في حفل الإفتتاح، و سيعرض المهرجان اكثر من ٣٠ فيلما بين روائية قصيرة وطويلة، ويشارك في لجان تحكيم المهرجان هذا العام عدد من أبرز السينمائي ين والفنانين المصريين والعرب، حيث يرأس مسابقته الطويلة للأفلام الروائية والتسجيلية  المخرج مجدي احمد علي بعضوية كل من النجوم خالد الصاوى ومراد مكرم وفاطمة ناصر والسيناريست زينب عزيز ومدير التصوير والمخرج أحمد المرسى والموزع الموسيقى عادل حقي وأستاذ السينما والشئون الثقافية بجامعة سنجور الكونغولى ريبيو بونكيتى بوز.