فريدة سيف النصر: اللي هيلاقي القط بتاعي لي مكافأة

كشفت الفنانة فريدة سيف النصر، عن فقدان القط الخاص بها، معربة عن حزنها الشديد عليه ومخصصة مكافأة لمن يعثر عليه.

تحيا مصر يرصد مكافأة فريدة سيف النصر لمن يجد قطها. 

فريدة سيف النصر وقطها المفقود 

ونشرت فريدة سيف النصر صورة القط عبر حسابها الرسمي بموقع التواصل الاجتماعي فيسبوك وعلقت عليه قائلة: القط اللي ورا الأسود في أبيض اللي بيلعب مع اللي ورا أسود في أبيض، هو لونه رمادي غامق سادة، وعيونه خضراء.. متربي ومولود هنا، كل الناس بتسأل عليه، لا يمكن يغيب كده وقاعدلي على طول ودول صحابه وهو مختفي بقاله 4 أيام لا يمكن يعملها

وتابعت: ممكن تكون عربية ضربته في رجليه ومش عارف يجي مرمي في حتة اسمه جراي.. رمادي بالإنجليش لو ندهتوه هيجي أو يبص، اللي يلاقيه يتواصل معايا بأي شكل، أمانة بالله عليكم هاتوه وأنا هعالجه.

وأضافت: يا رب لو حد خده علشان هو جميل أوي ومهذب يعامله حلو ويتواصل ويقول.. أرجوكم اسمه جراي، العشرة بقى مربياهم وهما مولودين أرجوكم.

واختتمت فريدة سيف النصر حديثها قائلة: بلاش تريقة فعلًا هتجنن عليه، وشكرًا للي هيساعدني ولو ولاد لقوه ليهم مكافأة والله هو مش هيعرف يعيش برا علشان له أكل معين.. شكرًا.

تعليق فريدة سيف النصر على أزمة شيرين عبد الوهاب

وعلقت فريدة سيف النصر على أزمة شيرين وحسام حبيب: “بدل عنتر وعبلة .. حسام وهبلة ..الطيبة الزمان ده بتبقى هبل يا شيري.. المهم..خلصنا كلام ولا لسه علشان مامي تتكلم”.

وتابعت: “الهجوم زايد عن الحد من مطربات ممثلات معجبات يعني وكأن حياتهم كلهم مثالية.. الجميع عنده مشاكل وفيهم اللي انضرب واتشتم وخيانات ومشاكل مع الأهل عادي زي باقي البشر.. ده في حب بيقتل حبيبته اشمعني مركزين معاها”.

وأضافت: “طبعا كل ده غلط وأرفض عقوق الوالدين خاصة الأم عشقي أنا أمي.. وطبعا الاخوات مايتعوضوش.. لكن بين السطور وأدق التفاصيل حاجات مانعرفهاش ماشوفناش..هي فقط تعرفها”.

واستطردت: “الفرق بينها وبين غيرها أنها من غير فرامل.. اللي في قلبها وعقلها وكلها على لسانها هي كده واضحة .. بلاش نحاكمها بقسوة دي حياتها هي حاسبوها على فنها بس.. هي حد غلبان أوي عايز يحب ويتحب.. سيبوها ولو ربنا مش عايز ماكانوش اتجوزوا تاني”.

وعن الهجوم على شيرين عبد الوهاب في الإعلام قالت فريدة سيف النصر: “عيب بقى كل برنامج بمذيعاته جلد ونقد وكأنهم ملائكة عيب.. كفاية قنوات اليوتيوب السبوبة كل من هب ودب يسب الناس ربنا ينتقم منكم.. ولا المطربات الفاضلات كفاية بقي لحد كده اللي من هنا وهناك.. ده مش اسلوب محروقين اوي علي أهلها..طيب ظروفكم ايه مع اهاليكم انتم مااحنا مانعرفش. والله عالاقل هي اهلها شايلاهم بقالها كتير”.

وتابعت: "وبرضه تظل شيرين احلي صوت حساس..هي وانغام..المصريين الحيله..ايه الموضوع..امال ماهر كمان صوت قوي زي الحلو والحجار والناس القيمه دوول.شيرين سيبوها هي حاله خاصه كا صوت وشخصيه.شيرين تتجوز تتطلق ايه المشكله .هي في حالة عدم توازن بتحبه لكن مش ناسيه كلامه لها وقالته وربنا مابيسيبش لو مأذيه ربنا مش هايسيب حقها".