شكاوي عملاء المصرية للاتصالات we ومواطن ينتقد صمت الجهاز القومي لتنظيم الاتصالات     

كثرت شكاوى عملاء المصرية للاتصالات We من سوء الخدمات المقدمة، وتجاهل خدمة عملاء المصرية للاتصالات في الرد على الشكاوي، وانتقد أحد المواطنين دور الجهاز القومي لتنظيم الاتصالات في أخذ موقف قوي، ويقدم تحيا مصر كافة التفاصيل عن الشكاوي  المقدمة.

عميل المصرية للاتصالات يشكو: "دفعت فلوس الخط وبعدها يقولوا مفيش إمكانية للتركيب"

عملاء المصرية للاتصالات يشكون: "قافل الراوتر والنت بيتسحب"

عملاء المصرية للاتصالات We

قال أحد عملاء المصرية للاتصالات على موقع "فيسبوك"،: "أنا عندي شكوى وعاوز حد يساعدني أو يوجدلي حل. التلفون الأرضي عندي عطلان بقاله ١٥ يوم قدمت شكوى يوم ١٤ أكتوبر، وقالوا خلال ٤٨ ساعة هتتحل".

وتابع: " وعدى ١٥ يوم كنت بكلمهم كل يوم ويقولوا خلال ٢٤ ساعة، وقدمت ٢ شكوى إدارية، وقدمت شكوى للجهاز القومي لتنظيم الاتصالات. ورحت السنترال ووعدوني يبعتوا الفني. ومفيش أي حاجة حصلت".

 واستكمل: "الفني كاذب كذب مرتين في كل مرة كان بيقول دقايق وهجيلك وفي الآخر ميجيش. علشان أتجاوز المشكلة رحت قدمت على خط جديد، ووجدت إن نفس الفني هو الي معاه أمر التشغيل. اتصل بي وقالي هجيلك كمان نصف ساعة ومجاش (كذب للمرة التالتة)، وبعدين الفاجر بلغ في السنترال إن أنا اللي طلبت تأجيل المعاد".

وعلق: "وأنا حالياً في أشد الحيرة. هل الفنيين محدش له سلطة عليهم، ولا هو متعند علشان إيه بالظبط. أنا حاسس إني لو شفت الفني ده هتخانق معاه. لأنه كاذب وفاجر وبسبب تقصيره كلفني فلوس كتير علشان شغلي معتمد على الإنترنت. فما العمل؟ أفيدوني".

المصرية للاتصالات We

وقال أحد المواطنين: "للأسف وعن تجربة الجهاز القومي لتنظيم الاتصالات لا يُحرك ساكنا إذا كانت الشكوى المُقدمة ضد الشركة المصرية للاتصالات إنما لو شركة تانية كان الوضع اختلف".

وأضاف: "نصيحة أفسخ اي عقد معاهم وشوف اي شبكة تانيه هات راوتر منها ووصل أحسن لك".