لبلبة: أرفض تجسيد السيرة الذاتية لي.. ومعنديش ولاد يتكلموا عني بعد ما أموت

تحدثت الفنانة لبلبة عن بدايتها الفنية وحبها للتمثل مُنذ الصغر ودور والدتها في مشوارها الفني، وذلك خلال ندوة تكريمها ضمن فعاليات مهرجان القاهرة السينمائي في دورته الـ 44 المقام في دار الأوبرا المصرية.

تحيا مصر يرصد لكم تصريحات الفنانة لبلبة

وقالت لبلبة: لما أنا بدأت التمثيل وأنا عندي 13 سنة ده كان سن محير جدًا  ولا أنا طفلة أو مزمازيل، واستغربت أن أمي شغلتني في فيلم اسمه النغم الحزين إخراج حسن الصيف وبعدها اشتغلت في  قاضي الغرام من إخراج حسن الصيف برضو.

واستكملت: وأنا بعد ما بدأت أكبر شوية وبقى عندي 16 سنة بقيت كبيرة  وقولتها يا أمي أنتي  غلطتي غلطة كبيرة هي أنك شغلتيني وأنا في السن المُحير ده.

وأضافت: ساعتها أمي قالتلي أنا مرضتش اخليكي تبعدي عن السينما عشان الجمهور يتعود عليكي في جميع المراحل العمرية بتاعتك، ووقتها مختش بالي من كلامها لكن دلوقتي عرفت أن هي كان عندها حق.

لبلبة: من طفولتي شايله الهم

وتابعت: أنا لو كنت قعدت وبعدين رجعت للتمثيل تاني كان شكلي هيبقى أتغير وطول حياتي من طفولتي كنت بشيل الهم وكنت خايفة أوي  أن أنا لما أكبر الناس متسقفليش أو متتجاوبش معايا أو إني مشتغلش.

وكشفت: وكنت بسمع ناس بتقول عليا أني بدأت أكبر ومش هشتغل، وأمي وأبويا كانوا بيتكلموا في الموضوع ده وأنا كنت بقولهم أنا هستمر وهفضل أسعد الناس وأضحكهم.

لبلبة: محتفظة بكل ملابسي في الأفلام في مخزن

كما كشفت لبلبة أنها تحتفظ بجميع ملابسها مُند الصغر في مخزن خاص بها وقالت: كل لبس لابسته من فيلم من افلامي بحتفظ بيه في مخزن أنا حاطه فيه كل لملابس بتاعتي من كل  فيلم زي ليلة ساخنه، عريس من جهة أمنية، خلي بالك من جيرانك موجود وفي فساتين محتفظة بيها من طفولتي.

لبلبة: مش عندي ولاد يتكلموا عليا بعد ما أموت

وتابعت: أنا مش عارفة  لو جرالي حاجه وفارقت الحياة أنا مش عندي أبن أو بنت يقولوا أو يتكلموا عليا وأنا ليا أخت أكبر مني هي اللي عارفة وعندي بناتها وأحفاد أخويا هما اللي هيتكلوا عليا.

لبلبة: مش عايزة حد يعمل السيرة الذاتية لحياتي

واستكملت: أنا مش عارفة بعد ما يجرالي حاجة  وأفارق الحياة هل هيعملوا السيرة الذاتية بتاعتي ولا، بس أنا مش عايزة كده لأن الوحيدة اللي السيرة بتاعتها كانت حلوة هي السيرة الذاتية لأم كلثوم اللي عملتها صابرين.

واستطرت: هتجيبوا منين الطفلة اللي كانت بتقلد وبعديم كبرت أنا  قولت لأحفاد اختي ياريت مفيش حد يعمل السيرة الذاتية ولو هيتكملوا عليها هيكون لسه في ناس عايشة وموجودة ومش حابة تيجي سيرتهم ميصحش.