نهال عنبر: مبحبش الست الضعيفة ومرة خصمت ابني شهرين عشان كان عايز يروح ديسكو

حلت الفنانة نهال عنبر، ضيفة على برنامج صاحبة السعادة، الذي تقدمه الإعلامية اسعاد يونس على قناة dmc، وذلك للحديث عن علاقتها بأحفادها وانبائها ورأيها في بعض القضايا.

تحيا مصر يرصد في ذلك التقرير تصريحات نهال عنبر في برنامج صاحبة السعادة 

نهال عنبر: مفيش نفسنة في الفن واللي عنده موهبة مش هيركز في الحاجات دي

تحدث نهال عنبر عن كواليس تحضيرها لأعمالهت الفنية فقالت: احنا بنفقد المذاكرة، وانا مش بقرا دوري بس، وزمان كانوا بيذاكروا، ولما اقرا حلقة لازم اقرا الحلقة كلها الاول مرة وتاني مرة افرغ شخصيتي، وقبل الكاميرا بساعتين جايين في اللوكيشن.

وأضاف، كاشفة عن حقيقة وجود نفسنة بينها وبين أحد زملائها من الوسط الفني، فقالت: مكنش في نفسنة، ومبشوفش في المجال الحاجات اللي بسمعها برا، واللي عنده موهبة مش فاضي للحاجات دي، وبيبقى مركز مع الشخصية ولبسها.

نهال عنبر: أحفادي بيعتبروني مامتهم وكنت عنيفة مع ابني

وتطرقت نهال عنبر بالحديث عن علاقتها بأحفادها وأبنائها، فقالت: وأحفادي بيعتبروا إني ماما وبابا وأنا شديدة معاهم ساعات، كنت شديدة على حسام اكتر لكن احفادي مش عنيفة معاهم ببقى شديدة بس، وقعدت قبل كده مخاصماه شهرين عشان كان عايز يروح ديسكو عشان خرم الباب بإيده، ولاقاني ماسكة سبت الزبالة راح جري من قدامي، دخلت قولتله شهرين مش هنتكلم فيهم.

وتابعت كاشفة عن رأيها في بعض القضايا، فقالت: بكره الست اللي تحط إيدها على خدها أيًا كانت المشكلة ولازم تكوني قوية وتشوفي هتقفي ازاي، وتنظيم الوقت مهم، وأنا بنظم وقتي كويس.

اخر أعمال نهال عنبر

من ناحية أخرى، تألقت الفنانة نهال عنبر بدورها في مسلسل أعمل ايه، الذي عرض منذ أيام على قناة dmc، وحقق نجاحات ساحقة خلال فترة عرضه.

وشاركت نهال عنبر في المسلسل إلى جانب كلا من النجوم خالد الصاوي وصابرين فضلا عن  ندى بسيوني، طارق عبد العزيز، سامية الطرابلسي، دنيا المصري، محمد مهران،  نور إيهاب، صبري عبدالمنعم، أيمن عزب، ريهام الشنواني، حمدي هيكل، مفيد عاشور، أحمد جمال سعيد، محمود الشرقاوي، ودارت أحداث المسلسل حول قضايا إجتماعية هامة، تشغل أذهان الجمهور ويتعرض لها كل بيت مصري بشكل يومي ومستمر.