زينة مكي لـ محمد رمضان: بموت فيك وعايزة اشتغل معاك

وجهت الفنانة اللبنانية زينة مكي رسالة للفنان محمد رمضان خلال حوارها في mtvlebanon، مؤكدة على حبها الشديد له. 

تحيا مصر يرصد لكم رسالة زينة مكي لـ محمد رمضان وذلك خلال السطور القادمة  

زينة مكي: بموت فيك يا رمضان 

وقالت زينة مكي: بموت فيك يا محمد رمضان وعايزة اشتغل معاك.. ولو اتعرض عليا عمل معاه بوافق أكيد لأنه شطور. 

تصريحات زينة مكي عن محمد رمضان 

•  محمد رمضان في الغناء عامل حالة فنية
• أنا أحد الأشخاص اللي بحط أغانيه بالسيارة وبرقص إذا كنت مودي مش ظابط
• معجون  الدهب وهيك بقوله خلي الحاجات دي في بيتك لوحدك يا محمد، وما فينا ننكر إنه مستفز
• هو حد كتير ذكي هيك تقديري أنا، حقق شهرة من ورا استفزاز العالم، بس هو كفنان بيذكرني بالممثلين المصريين القدام
• بحب شكله وتمثيله، وبحب الفن المصري بشكل عام وبيستهويني كتير

محمد رمضان وكواليس مسلسل العمدة 

ويذكر، أن كشف الفنان محمد رمضان أنه صور عدة مشاهد من مسلسله الجديد العمدة في دولة لبنان، وذلك أثناء تواجده لتسلم جائزة النجم العربي الأكثر جماهيرية من مهرجان موريكس دور في دورته الـ22.

وقال محمد رمضان أثناء لقائه عبر برنامج  the insider: أنا صورت 4 أيام في لبنان بشلالات الزرقا لمسلسل العمدة، لكن مفيش حد عرف لأن الجائزة اللي خدتها هي اللي عملت صدى أكتر. 

وتابع: أجواء التصوير في لبنان كانت جميلة وأنا بستمتع بالشغل مع المخرج محمد سامي، وكنت بصور أنا وزينة بس في لبنان من فريق الممثلين المصريين.

وأضاف: أتمنى تشوفوا مشاهد كويسة في المسلسل وكمان الجمهور اللبناني يشوف جمال بلده بصورة تاني من خلال مسلسلنا.

محمد رمضان عن زيارته لمستشفى سرطان الأطفال في لبنان 

وعن زيارته لمستشفى السرطان في لبنان قال محمد رمضان: ده أقل واجب اقدر أعمله، هما ليهم فضل عليا كبير جدًا، وأنا أب وعارف يعني ايه طفل وأسرة طفلهم يمر بأزمة.

واستكمل محمد رمضان: لازم ندعم الأطفال دي بكل أشكال الدعم وندعمهم ماديًا ومعنويًا كمان من معنويًا بس.