المطرب النقاش يروي لـ أول مرة كواليس استبعاده من حفل أصالة في الأوبرا: اتفاجئت

تحدث الفنان أحمد سالم، الشهير بـ المطرب النقاش لأول مرة في لقاء تليفزيوني عن كواليس استبعاد فقرته من حفل أصالة في الأوبرا مشيرا إلى أنه تفاجئ بذلك الموقف.

تحيا مصر يرصد في ذلك التقرير تصريحات أحمد سالم في الحكاية

قال أحمد سالم خلال برنامج “الحكاية”، الذي يقدمه الإعلامي عمرو أديب عبر قناة mbc مصر، متحدثا عن الفيديو المتسبب في شهرته : “كنت عامل الفيديو بتاعي في دبي، كنت شغال هناك من سنيتن، وبعد السنتين لقيت الناس بتقولي انت تريند، ودا توفيق من ربنا”.

وتابع: “بعدها رامي جمال دعمني ووقف معايا وبنعمل اغنيتين دلوقتي”.

المطرب النقاش يروي عن استبعاده من حفل أصالة في الأوبرا: زعلت لأنه كان هيفرق معايا

وتطرق أحمد سالم بالحديث عن كواليس استبعاده من حفل المطربة أصالة في دار الأوبرا المصري، فقال: “قالولي هتطلع في مهرجان الموسيقى بحفل الختام ومكنتش مصدق اني هقف جنب أصالة، روحت وعملت البروفة، ويوم الأربع الساعة 8 جالي تليفون من مكتب أصالة وقالولي عندك مشكلة في الأوبرا”.

واستكمل حديثه: “روحت أشوف المشكلة في الأوبرا فقالولي غير مصرح بيك ومحدش بلغنا، كنت عامل البروفات جوة الأوبرا فاستغربت لأن محدش قالي على الورق، الحاجة دي كانت هتفرق معايا كتير وقولتلهم اي المطلوب مني وأنا أعمله، رفضوا وقالولي مش هنعرف نبلغ بيك حد دلوقتي، كلمت مكتب أصالة وقالولي لو فيه جديد هنكلمك”.

واختتم حديثه: “أنا عملت فيديو بعد الحفلة مع خلصت بعد أسألت الجمهور الكتير، وقولت السبب ليه اني مطلعت وبعد كده لقيت اللي حصل ده، أنا طول الوقت بدندن وأنا بشتغل، والغناء دا مزاج عندي”.

 أحمد سالم عن إلغاء فقرته في حفل أصالة: ربنا شايلي الاحسن 

وسبق وأن علق احمد سالم على هذا الجدل، فقال: روحت للأوبرا يوم الأربع اللي فات على يوم الحفلة، وقابلت شخص مش عايز أقول اسمه، وقال إنه غير مصرح ليا بالصعود على مسرح الأوبرا، عشان متمش الإعلان عني، والمهرجان هيبقى بحضور وزيرة الثقافة وشخصيات كبيرة، وكان المفروض يتم إبلاغ الأوبرا من بدري، بحيث نكون ظبطنا حاجات، اللي فهمته إن الفنانة أصالة مكانش عندها خلفية إنه لازم يكون في تصريح، وفي الأول والآخر ده نصيب، وممكن ربنا شايل لي حاجة أحسن".