عفاف شعيب تتحدث عن سبب ارتدائها الحجاب وهذه علاقة الشعراوي بعودتها للتمثيل

كشفت عفاف شعيب عن سبب ارتدائها الحجاب، في منتصف فترة شهرتها ومجدها، خلال لقائها ببرنامج واحد من الناس. 

تحيا مصر يرصد لكم سبب ارتداء عفاف شعيب الحجاب

سبب ارتداء عفاف شعيب الحجاب 

وقالت شعيب عن سبب اعتزالها وارتدائها الحجاب: حسيت ان انا عايزة حاجة معينة، وقبل ماصور السهرة كانت هالة فؤاد بتكلمني وقالتلي احضري معانا مجلس علم وكلام ربنا وقولتلها فوتي عليا وخديني، وحضرت، تاني مرة لاقيت هناء ثروت بتكلمني قالتلي انتي جميلة ولما بحضنك بشم مسك وقالتلي احضري معايا مجلس علم، اتأثرت وبقيت بعيط لحد ما عيني زي كاسات الدم، ومتأثرة وفي واحدة محامية وفقيهه في الدين، فضلت تقول النار وهنتعذب وعذاب القبر، فـ اترعبت، وناس كتير اتحجبوا على ايديها، انا اتحجبت في ٩/١٠/٩٢. 

وتابعت عفاف شعيب: بعد ما اتحجبت عيشت مع امي واخويا في امريكا ٣ سنين، ولما نزلت مصر حسيت بوحدة ورفضت خالص في الاول انزل اشتغل بالحجاب. 

عفاف شعيب وفتاوى الشيخ الشعراوي 

وأضافت: ولما لاقيت في اصرار سألت الحاجة ياسمين، قالتلي متحتاريش وقالتلي تعالي اخدك للشيخ الشعراوي في السيدة نفسية، وكان عنده ناس كتير اوي، وخلص باقي الكلام مع الناس بتوعه وقالي اؤمريني، قولتله مطلوبة بالحجاب قالي وماله يا بنتي طلما بحجابك وهتطلعي بالايشارب الحلو، والقعدة معاه كانت ممتعة.

عفاف شعيب والهجوم على خلع الحجاب

واختتمت شعيب: انا مهاجمتش حد قلع الحجاب، ودعيت لحلا شيحة ربنا يردها ردًا جميلًا، وساعتها مقولتش حاجة تسئ ليهم، وزعلت ان كل واحدة قاعدة ٢٧ سنة بيه ويحصل كده، ومحبطة طب ليه تضيعي التاريخ ده كله.

عفاف شعيب في مسلسل زي القمر 

وكانت آخر أعمال الفنانة عفاف شعيب هو مسلسل زي القمر، حيث شاركت في حكاية واحد في المية، وكانت من بطولة صابرين، عفاف شعيب، الفنانا مدحت صالح، والعمل من تأليف نداء الشندويلي وإخراج أحمد شفيق.

وتدور أحداث مسلسل واحد في المية حول مرض جيني يصيب الإنسان ويضعف بصره إلى أن يفقده، ومن خلال المسلسل نتعرف على مشاكل هؤلاء الأشخاص فـ "أمل" كانت ترى في السابق لكن الآن خسرت نظرها، لذا لا يتم معاملتها مثل الشخص المولود مكفوف من البداية، لا تجد فرص عمل مناسبة ودائما تسعى للحصول على وظيفة.