عفاف شعيب: أحمد زكي قالي نفسي لما اتجوز واحدة تبقى زيك

كشفت الفنانة عفاف شعيب عن طبيعة علاقتها مع الفنان أحمد زكي خلال حوارها ببرنامج واحد من الناس مع الإعلامي عمرو الليثي. 

تحيا مصر يرصد لكم تصريحات عفاف شعيب عن طبيعة علاقتها بالفنان أحمد زكي 

وقالت عفاف شعيب: أحمد زكي كان بيقولي نفسي لما اتجوز، اتجوز واحدة زيك. 

عفاف شعيب: رشحت أحمد زكي في بستان الشوق 

وتابعت عفاف شعيب كاشفة عن بعض أعمالهم الفنية: رشحته في بستان الشوق وكان مفرفوض، وطلب المخرج، نور الشريف وقتها وكان مشغول، ولما رشحت أحمد زكي ليه قالي لا لا ده مينفعش، والمسلسل كان بطولة صفية العمري ونور الشريف، والمخرج فخر الدين صلاح راح عشان يشوف اللوكيشن وقالي مش لاقيين البطل لحد دلوقتي، قولتله احمد زكي راح قالي مقتنع بكلامك بس رياض مش موافق، وبعدها اتفق مع رياض عليه بمساعدتي، وقالي بعدها اعملي دور صفية قولتله لا. 

عفاف شعيب عن دورها مع أحمد زكي في فيلم الحكومة 

وأردفت عفاف شعيب عن دورها في فيلم الحكومة، قائلة: تجربتي في فيلم الحكومة مع أحمد زكي هو اللي اختارني، واستمرت علاقتنا لحد ما مات. 

عفاف شعيب وأحمد زكي في الحج 

واستكملت شعيب كلامها: وفي ناس وقعت بينه وبيني في الحج، وفرحت انه رايح معانا الحج وانا بلتزم جدًا بمناسك الحج والطقوس مبفوتش حاجة، وفي ناس وسوسوله وقالوله اقعد في الفندق، وواحنا قاعدين بنتعشى راح قالي عفاااففف انا مش رايح معاكوا. 

عفاف شعيب: أحمد زكي قالي أنتي جوهرة غير كل الناس 

وتابعت: اتاري الزبانية قالولي كلامها مالوش لازمة، وكنا في عرفة الستات والرجالة منفصلين، وحد قالي انه مقراش قران فـ قولتله ليه، راح قالي يا ستي انا شيطان ف بقيت طول الرحلة مكلموش، وهو اللي جاني البيت وحكالي وقالي بصي انتي جوهرة غير كل الناس، والناس دي ابعدي عنهم، اللي هما الستات اللي كانوا معانا.

وكانت آخر أعمال الفنانة عفاف شعيب هو مسلسل زي القمر، حيث شاركت في حكاية واحد في المية، وكانت من بطولة صابرين، عفاف شعيب، الفنانا مدحت صالح، والعمل من تأليف نداء الشندويلي وإخراج أحمد شفيق.