سحر رامي تكشف الساعات الأخيرة في حياة حسين الأمام: مات في حضني وتنبأ بوفاته

تحدثت الفنانة سحر رامي عن زوجها الفنان الراحل حسين الامام وكشفت سحر عن الساعات الأخيرة في حياة الراحل حسين الامام، كما كشفت أنه تنبأ بوفاته من قبل.

وقالت سحر خلال استضافتها في برنامج كلام الناس الذي يُعرض عبر قناة أم بي سي مصر وتُقدمه الإعلامية ياسمين عز وقالت: عملتله عيد ميلاد وفاجأة سابنا وراح الأوضة وأتاخر وكان دخل الحمام وقولت أكيد بياخد دش، ولما اتاخر قولت ليكون اتحبس في الحمام وقالي افتحي مش قادر اخد نفسي و لما دخلت عليه وقع عليا على السرير وقالي مش قادر اخد نفسي.

وأضافت:أنا مكنتش فاهمه إيه اللي بيحصل وفي خمس دقايق راح وأنا كنت منهارة وبزعق وصحابي طلعولي ومقدرناش نعمل حاجة.

سحر رامي: حسين مات بجلطة في الشريان التاجي

وتابعت: مكنتش عنده إي أمراض والتشخيص جلطة مفاجأة في الشريان التاجي  والدكتور قالي هي مش يتتلحق غير بحقنة الادرينالين في خلال 10 دقايق من الجلطة واحنا كنا في الطريق الصحراوي وملحقناش.
وتابعت: الدكتور قالي أن الجلطة دي بتسبب آثار جانبية أقسى من الوفاة منها الشلل، لكن هو مكنش عنده إى أمراض قبل الوفاة ومكنش زعلان أو عنده إي مشكلة.

ياسمين عز: حيبن الأمام مات بسبب العين

لترد ياسمين عز: كلنا نعلم العين فلقت الحجر وأنا كـ بنت مش مذيعة لو بسمع القصة دي وحصلت يوم عيد ميلاده أعتقد أن من حبكوا لبعض اترشتقوا عين أدت لموته.
وتابعت سحر: صحابوا كانوا بيقولوا أنتي إي حاجة يقولها حسين تقولي أمين أنا مقتنعة بالعين  والحسد لكن مفيش اي حاجة بتمنع القدر.

سحر رامي: حسين الامام تنبأ بوفاته

وكشفت سحر بأن حسين كان قد تنبا بوفاته من قبل وقالت: في يوم قالي انا هموت في عزومة وكنت بسمع وخلاص ولما حصل كده افتكرت.

واستكملت: ومرة قالي انا هموت قبلك وكان بيكتب كل حاجة في ورقة معلقها في الدولاب بتاعه عن الارض والبنوك والرخص و رقم مدير البنك والحسابات كان بيمهدلنا وكان بيحفظني الحاجات اللي بيعملها، وكل حاجة كانت متوضبه ومتعبناش في الاجراءات وولادي كانوا مصدمين وكانوا مبهرين انه مسستم كل حاجة.