هشام المليجي: الأضواء انحسرت عني عشان مش منافق

تحدث الفنان هشام المليجي عن السبب وراء انحسار الأضواء عنه في الفترة الأخيرة، وحقيقة قرابته للنجم محمود المليجي، وذلك خلال لقائه اليوم ببرنامج “نص الكلام” مع الإعلامية راغدة شلهوب".

تحيا مصر يرصد تصريحات هشام المليجي في برنامج “نص الكلام”

حيث قال هشام المليجي: “الفنان بياخد فترات بينور فيها وفترات خلاص بينحسر عنه الأضواء وبيروح مع اللي راحوا.. والأضواء منحسرة عني من أول ما ابتديت”.

وتابع قائلًا: “ومكنش فيه حاجة نقصاني عشان أبقى زي هنيدي والسقا.. التمثيل عمل جماعي فأنت بتبقى ترس جوا الموضوع ولو الترس دا مش مظبوط هيعمل مشكلة”.

هشام المليجي: أنا مش بنافق

واستطرد هشام المليجي: “وأنا مش متناغم في شغلة التمثيل عشان مش بنافق حد وبقول رأيي بصراحة، ولو قولت لحد حاجة مش جوايا بيبان عليا أن أنا كداب وبعرفش أمثل برا التمثيل.. أنا برا التمثيل إنسان عادي جدا”.

وأضاف: “لسه الناس لغاية دلوقتي بتراهن أن أنا ابن محمود المليجي وأنا أصلا اسمي هشام محمد مليجي، وعمري ما قابلته صدفة”.

تفاصيل أزمة هشام المليجي الصحية 

وفي وقت سابق، أعلن الفنان هشام المليجي منذ أيام، مروره بأزمة صحية شديدة دون الكشف عن تفاصيل خاصة بالسبب، مؤكدا أن لولا كرم الله ولطفه كان من الممكن أن يفارق الحياة إلى الأبد.

وتحدث هشام المليجي على أزمته الصحية من خلال حسابه الرسمي بموقع التواصل الإجتماعي “فيسبوك”، فكتب: "اللي حصلي إني نزلت مستعجل من البيت عشان كنت مسافر مع الأصدقاء فعديت اشتريت سندويتش تونة من محطة بنزين في الطريق.. بعدها بساعات تعبت جدا وحسيت بإعياء شديد واغمي عليا".

هشام المليجي والعلاج النفسي

جدير بالذكر، أنه سبق وتحدث هشام المليجي في تصريحات تليفزيونية عن حقيقة زيارته لـ أطباء نفسيين، فقال: “مش بزور طبيب نفسي، وروحت مرة واحدة، والمريض ممكن يخدع الطبيب النفسي ويتوه وميعرفش وقتها هو عنده اي، ولكن بالعكس أنا اللي بقدم النصيحة لزملائي طول الوقت”.