عميل اورنج orange يشكو: "أسوأ ما يمكن"

اشتكى عميل اورنج orange من الخدمات المقدمة، واصفًا أداء الشركة بأنها أسوأ ما يمكن، ويستعرض تحيا مصر ما قاله عن خدمات اورنج والمشكلة التى وجهت العميل وما يمكن التوصل إليها.

عميل اتصالات مصر ينتقد: "للأسف Etisalat Egypt لاتحترم عملائها"

Orange اورنج تكشف خطوات تسجيل الخطوط.. "سجل لتجنب السرقة"

اورنج orange

نشر عميل اورنج عبر صفحته الشخصية على موقع "فيسبوك"، قائلا : "التعامل مع شركة   Orange #orange #OrangeEgypt  بقي من أسوأ ما يمكن، يعني تبقي عامل حسابك ان طلبك عمره ما هيتم بالصورة الطبيعية".

وأضاف : "روحت عشان ابدل الشريحه لخطي اللي بإسمي من فرع إكسبريس التجمع الأول، وصلت على الساعة ٩.٢٠ م، وما حدذ كالتالي:

- الموظفة: حضرتك هتعمل ايه

- أنا : هبدل شريحه بعد اذنك

- الموظفة: اصل احنا نعتبر قفلنا فبنقفل الشيف

- أنا : هو حضراتكم بتقفلوا الساعه كام ، مش ١٠ م

- الموظف اللي جنبها: لأ دي المواعيد الجديده ،بنقفل علي ٩.٣٠ م

- أنا: طيب لو تحبي ممكن اجي بكره أنا جنبكوا علي طول

- الموظفة: لا مفيش مشكلة

عملاء اورنج مصر

وتابع: "لغاية هنا كله تمام، بالعكس احترمتهم بزيادة جدًا، الموظفة أخدت بطاقتي وحطتها في مكنة التصوير، طلعت الشريحة أخدت تمنها و قالتلي هتشتغل علي بكره الصبح لو مشتغلتش النهارده،  الحقيقه قلقت بس قلت ده تغيير شريحه يعني مش هياخد وقت او متابعه، الموضوع بسيط".

واستكمل : "تاني يوم الصبح الشريحه مشتغلتش ، اتصلت بخدمة العملاء و بدون تفكير من الموظف قالي ارجع الفرع،  طب يا فندم ده انا في الشغل يعني ده هيبقي بعد الساعه ٥ م، يعني ولا كأني معايا خط ولا مصالحي ليها قيمه ، حضرتك ترجع الفرع ده اللي نقدر نساعدك بيه".

واستطرد: "كلمت طوب الأرض بحكم عملي القديم في نفس الشركة قالولي ده الطلب اللي متقدم من الفرع فاضي ولا فيه بطاقتك ولا إقرار تغيير الشريحة، يعني من الآخر لازم ترجع الفرع".