عميل اتصالات مصر ينتقد: "للأسف Etisalat Egypt لاتحترم عملائها"

انتقد عميل اتصالات مصر الخدمات المقدمة من الشركة، مشيرًا إلى أن شركة اتصالات مصر  Etisalat Egypt من الشركات التى لاتحترم عملائها كما وصفها، ويستعرض تحيا مصر شكاوى عملاء اتصالات مصر والخدمات المقدمة.

عميل اتصالات مصر يعلق: "معايا رصيد ولمه اتصل يقولى نفذ رصيدك"

أسعار خطوط اتصالات مصر بعد رعايتها لـ "الأهلي"

عملاء اتصالات مصر

قال أحد عملاء اتصالات مصر عبر حسابه الشخصي على موقع "فيسبوك"،: "حبيت أشارك معاكم مشكله حصلت معايا مع إحدى الشركات وهى شركة Etisalat Egypt  لأن للأسف شركة اتصالات مصر مش بتحترم عملائها".

وأضاف: "شركة اتصالات عاملين نظام اسمه حكاية بيتيح ليك إنك تضيف رقم و تتكلم معاه ببلاش.. لحد كده تمام جدا.. لكن للأسف مفيش أى توضيح إن هيتم الغاء باقة أو نظام الرقم اللى أنت هتضيفه عندك".

وأضاف: "المهم حد من الأسره عندى عمل الباقة و أضاف رقمى عشان يكلمنى ببلاش و أنا جالى رسالة إن الشخص ده عايز يضيفك عنده عشان تكلمه بعض ببلاش".

اتصالات مصر

واستكمل: "فجأه بعد ما وافقت لقيت الباقة أو النظام بتاعى اتلغى و أنا كنت لسه عامله من 10 أيام يعنى كان فاضل أغلب الباقة لسه ما أستخدمتوش المهم تواصلت مع خدمة العملاء يا جماعه بعد إذنكم رجعولى الباقه بتاعتى".

 الرد كان لا يا فندم للأسف مش هينفع.. طيب يا جماعة مش المفروض توضحوا الكلام ده سواء فى شروط الباقة أو لما نيجى نضيف الرقم.. كان الرد لا يا فندم ما هى حاجه معروفه و مش محتاجه نكتبها أو نوضحها".

وعلق: " طيب يا جماعة أنا عايز أعمل شكوى كان الرد لا يا فندم مينفعش طيب عايز أكلم مدير لا يا فندم مينفعش و قمة عدم احترام أو تقدير العميل... انا مشفتش فى حياتى شركة بتعند مع عميل أو بتتعامل معاه كده بعدم تقدير أو احترام ليه".

واختتم حديقه حول مستوى أداء اتصالات مصر والخدمات المقدمة، قائلاً: "عشان كده انا قررت إن المكان اللى مش هيحترمنى كعميل ليه مش هأكون موجود فيه تانى و هروح إن شاء الله بكره أقرب فرع Vodafone Egypt  وهأحول الخط بتاعى لفودافون".